কাইলৈ ১ফেব্ৰুৱাৰী মঙলবাৰে কেন্দ্ৰীয় বিত্তমন্ত্ৰী নিৰ্মলা সীতাৰমনে ২০২২বৰ্ষৰ সাধাৰণ বাজেট দাখিল কৰিব। বিত্তমন্ত্ৰী সীতাৰমনৰ এইখন চতুৰ্থখন কেন্দ্ৰীয় বাজেট হ’ব।
বিত্তমন্ত্ৰীয়ে যোৱা বছৰৰ দৰেই পৰম্পৰাগত ‘কাগজ-পত্ৰৰ’ বিপৰীতে ট্যেবলেটৰ জৰিয়তে বাজেট উত্থাপন কৰিব।
উল্লেখ্য যে আজিৰে পৰা সংসদৰ বাজেট অধিৱেশন আৰম্ভ হৈছে। ৰাষ্ট্ৰপতি ৰামনাথ কোৱিন্দে সদনত ভাষণ দিব।
ইপিনে, আজি বিত্তীয় সমীক্ষাৰ প্ৰতিবেদন দাখিল কৰা হ’ব। এইবাৰ বাজেট অধিৱেশনৰ প্ৰথম পৰ্যায় অহা ১১ফেব্ৰুৱাৰীলৈ চলিব।
লগতে পঢ়ক: খুলি দিয়া হৈছে ভেন্টিলেশ্যন; কেনে আছে কোকিলকন্ঠী কিংবদন্তি কণ্ঠশিল্পী লতা মংগেশকাৰ?
সেইদৰে, দ্বিতীয় পৰ্যায়ৰ বাজেট অধিৱেশন অহা ১৪ মাৰ্চৰ পৰা আৰম্ভ হৈ ৮এপ্ৰিললৈকে চলিব।
কোভিড-১৯ৰ পৰিস্থিতিত লোকসভা আৰু ৰাজ্যসভাৰ সময়সূচী পৃথক হ’লেও মঙলবাৰে পুৱা ১১বজাত কেন্দ্ৰীয় বিত্তমন্ত্ৰীয়ে বাজেট দাখিল কৰিব।
আনহাতে, যোৱা বছৰ সাংসদসকলৰ লগতে সাধাৰণ জনতাৰ বাবে বাজেট সম্পৰ্কীয় তথ্য উপলব্ধ কৰাৰ বাবে কেন্দ্ৰীয় চৰকাৰে এটা মোবাইল এপ আৰম্ভ কৰিছে। ‘ইউনিয়ন বাজেট মোবাইল এপ’ নামৰ এই অপটোত বাজেট সম্বন্ধীয় তথ্যসমূহ পোৱা যাব।
