আজিৰ পৰা ভাৰত আৰু অষ্ট্ৰেলিয়াৰ মাজত পাঁচখন খেলৰ টি-২০ শৃংখলা আৰম্ভ হ’ব। কেনবেৰাত দুয়োটা দলৰ মাজত প্ৰথমখন খেল অনুষ্ঠিত হ’ব।
এছিয়া কাপ জয় কৰাৰ পিছত অধিনায়ক সূৰ্যকুমাৰ যাদৱৰ নেতৃত্বত ভাৰতীয় দলটোৱে টি-২০ত অষ্ট্ৰেলিয়াক পৰাস্ত কৰাৰ বাবে সকলো প্ৰচেষ্টা চলাবলৈ চেষ্টা কৰিব। কিয়নো এদিনীয়া শৃংখলাত ভাৰত ১-২ ত পৰাস্ত হৈছিল।
অষ্ট্ৰেলিয়াৰ বিৰুদ্ধে ভাৰতৰ টি-২০ত ইতিহাস ভাল। এই পৰ্যন্ত দুয়োটা দলৰ মাজত ৩২ খন টি-২০ অনুষ্ঠিত হৈছে। ইয়াৰে ২০খন খেলত ভাৰতে জয়লাভ কৰাৰ বিপৰীতে অষ্ট্ৰেলিয়াই ১১খন খেলত জয়লাভ কৰিছে। লগতে এখন মেচ ড্ৰ’ত সমাপ্ত হৈছে।
আজি ভাৰত আৰু অষ্ট্ৰেলিয়াৰ মাজত প্ৰথমখন টি-২০ মেচ আৰম্ভ হ’ব আন্তৰ্জাতিক সময় অনুসৰি ১:৪৫ বজাৰ পৰা।এই শৃংখলাটোও গুৰুত্বপূৰ্ণ কাৰণ দুয়োটা দলে ২০২৬ চনৰ টি-২০ বিশ্বকাপৰ বাবে প্ৰস্তুতি চলাইছে। এই বিশ্বকাপ ভাৰত আৰু শ্ৰীলংকাত অনুষ্ঠিত হ’ব।
