দেশৰ বিভিন্ন প্ৰান্তৰ লগতে দেওবাৰে গুৱাহাটী প্ৰেছ ক্লাবতো দিনযোৰা কাৰ্যসূচীৰে উদযাপিত হ‘ল ৰাষ্ট্ৰীয় প্ৰেছ দিৱস।
ৰাষ্ট্ৰীয় প্ৰেছ দিৱসৰ উপলক্ষে আয়োজিত এক অনুষ্ঠানত প্ৰেছ ক্লাবৰ সভাপতি খগেন কলিতাই ৰাজ্যৰ ১০ গৰাকী সাংবাদিকক ফেল‘শ্বিপ প্ৰদানৰ কথা ঘোষণা কৰে।
- বিষয়সমূহ: পৰিৱেশ, স্বাস্থ্য, ক্ৰীড়া, মানৱ অধিকাৰ, কৃষি, Gender Equality, গ্ৰন্থ, শাসন আৰু ৰাজনীতি, কলা-সংস্কৃতি, ফটো আৰু ভিডিঅ‘।
- আৰ্থিক সাহায্য: এই দহটা বিষয়ত অধ্যয়ন তথা সংবাদ পৰিৱেশনৰ বাবে নিৰ্বাচিত হোৱা ১০ গৰাকী সাংবাদিকক প্ৰেছ ক্লাবৰ তৰফৰ পৰা ৫০ হাজাৰকৈ টকা আগবঢ়োৱা হ‘ব।
অনুষ্ঠানৰ বিৱৰণ আৰু বিশিষ্ট ব্যক্তিসকলৰ বক্তব্য
গুৱাহাটী প্ৰেছ ক্লাবৰ সাধাৰণ সম্পাদক অমৰেন্দ্ৰ ডেকাই আঁত ধৰা অনুষ্ঠানটোৰ আৰম্ভণিতে অসমীয়াৰ প্ৰাণৰ শিল্পী জুবিন গাৰ্গৰ লগতে ৰাজ্যত মৃত্যুবৰণ কৰা জ্ঞাত-অজ্ঞাত প্ৰতিগৰাকী সাংবাদিকলৈ শ্ৰদ্ধাঞ্জলি অৰ্পণ কৰা হয়।
ৰাষ্ট্ৰীয় প্ৰেছ দিৱসৰ দিনটোতে গুৱাহাটী প্ৰেছ ক্লাবত সংবাদমেল তথা অনুষ্ঠানসমূহৰ পোনপটীয়া সম্প্ৰচাৰ (Live Streaming)ৰ ব্যৱস্থাৰ শুভাৰম্ভণি কৰা হয়। এই কাৰ্যসূচীৰ শুভাৰম্ভণি কৰে নিউজ লাইভৰ মুখ্য পৰিচালন সম্পাদক ছৈয়দ জাৰিৰ হুছেইনে।
তেওঁ গুৱাহাটী প্ৰেছ ক্লাবৰ নৱনিৰ্বাচিত সমিতিয়ে গ্ৰহণ কৰা পদক্ষেপসমূহক প্ৰশংসা কৰাৰ লগতে:
সংবাদ জগতলৈ আহি থকা সুবিধা আৰু প্ৰত্যাহ্বানসমূহৰ বিষয়ে নৱ প্ৰজন্মৰ সাংবাদিকসকলক শিক্ষিত আৰু সজাগ কৰাৰ বাবে কৰ্মশালা, প্ৰশিক্ষণ শিবিৰৰ লগতে আলোচনাচক্ৰ আয়োজন কৰিবলৈ পৰামৰ্শ আগবঢ়ায়।
সাংবাদিকসকলৰ স্বাস্থ্য বিষয়ক সমস্যাসমূহত সহায়ক হোৱাকৈ এটা ‘কৰ্পাছ ফাণ্ড‘ গঠন কৰিবলৈ প্ৰেছ ক্লাবৰ নেতৃত্বক আহ্বান জনায়।
গুৱাহাটী প্ৰেছ ক্লাবে আয়োজন কৰা আন্তঃ সংবাদ প্ৰতিষ্ঠান প্ৰাইজমানি কুইজ প্ৰতিযোগিতাৰ শুভ উদ্বোধন কৰে NEWS18 অসম NORTH EASTৰ সম্পাদক পৰাগমণি আদিত্যই। তেওঁ মন্তব্য কৰে যে কুইজৰ দৰে অনুষ্ঠানসমূহে সাংবাদিকসকলৰ বৌদ্ধিক উৎকৰ্ষ সাধনত সহায় কৰিব।
দীপাংকৰ কৌশিকে পৰিচালনা কৰা এই কুইজ প্ৰতিযোগিতাত মুঠ ১৪টা দলে অংশগ্ৰহণ কৰে।
| স্থান | দলৰ নাম | সদস্যসকল |
| প্ৰথম | অসমীয়া প্ৰতিদিন | উৎপল কুমাৰ দাস, বিদ্যুৎ কুমাৰ শৰ্মা, দিলীপ কুমাৰ শৰ্মা |
| দ্বিতীয় | দৈনিক জনমভূমি | দীপক চক্ৰৱৰ্তী, জয়ন্ত ফুকন, অংকুৰজ্যোতি শৰ্মা |
| তৃতীয় | আকাশবাণী গুৱাহাটী | নিভাৰাণী ৰায়, ইন্দ্ৰজিৎ দাস, দেৱাশীষ ৰাজকুমাৰ |
চূড়ান্ত পৰ্যায়ৰ অন্য তিনিটা দল:
- চতুৰ্থ স্থান: এন কে টিভি প্লাছ (ৰাকেশ হালৈ, পাৰ্থপ্ৰতিম শৰ্মা, মানস গোস্বামী)
- পঞ্চম স্থান: NEWS18 অসম NORTH EAST (শুভম গোস্বামী, মৃদুপৱন বৰা, দীপাংকৰ দত্ত)
- ষষ্ঠ স্থান: নৰ্থ-ইষ্ট নাও (কল্পজ্যোতি শইকীয়া, অঞ্জুমান ভৰদ্বাজ)
