অসমৰ থলুৱা খাদ্য আৰু বনৌষধিৰ তালিকাত ‘থেকেৰা‘ (ইংৰাজীত Garcinia) এবিধ অতিকে জনপ্ৰিয় আৰু উপকাৰী ফল। ইয়াৰ টেঙা সোৱাদে অসমীয়া ব্যঞ্জনত এক বিশেষ জুতি দিয়ে, কিন্তু কেৱল সোৱাদেই নহয়, ইয়াৰ আছে বহুতো ঔষধি গুণ যিয়ে শৰীৰক বিভিন্ন ৰোগৰ পৰা সুৰক্ষা দিয়ে। বৰ্তমান সময়ত কুঁজি থেকেৰা (Garcinia cowa) আৰু বৰ থেকেৰা (Garcinia pedunculata) দুয়োবিধেই বহুলভাৱে ব্যৱহৃত হয়।
১. পেটৰ সমস্যাত মহৌষধ
থেকেৰা পেটৰ বাবে এক মহৌষধস্বৰূপ। পুৰণি কালৰ পৰাই ইয়াৰ ব্যৱহাৰ প্ৰচলিত।
গ্ৰহণী আৰু কোষ্ঠকাঠিন্য: দীৰ্ঘদিনীয়া সঞ্চিত গ্ৰহণী (Chronic Dysentery), কোষ্ঠকাঠিন্য (Constipation), পেট কামোৰণি আৰু পেটৰ গুৰগুৰণিৰ দৰে সমস্যাত থেকেৰা অতি উপকাৰী।
ব্যৱহাৰৰ পদ্ধতি: দুই এচকল পুৰণি থেকেৰা এগিলাছ পানীত অলপ তালমিছিৰি দি ৰাতি তিয়াই থৈ পুৱা খালী পেটত চেকি খালে পেটৰ ৰোগ নিৰাময় হয়।
২. উচ্চ ৰক্তচাপ নিয়ন্ত্ৰণত সহায়ক
উচ্চ ৰক্তচাপ (High Blood Pressure) ৰোগীৰ বাবে থেকেৰা বৰ উপকাৰী। নিয়মীয়াকৈ থেকেৰাৰ চৰবত সেৱন কৰিলে ৰক্তচাপ নিয়ন্ত্ৰণত সহায় হয়।
৩. ওজন হ্ৰাসত সহায়
যিসকলে ওজন কমাবলৈ বিচাৰে, তেওঁলোকৰ বাবে থেকেৰা এক প্ৰাকৃতিক বিকল্প।
হাইড্ৰক্সিচাইট্ৰিক এচিড (HCA): থেকেৰাত থকা হাইড্ৰক্সিচাইট্ৰিক এচিড (Hydroxycitric Acid – HCA)-এ শৰীৰৰ মেদ (চৰ্বী) কমোৱাত সহায় কৰে বুলি জনা যায়।
বজাৰত উপলব্ধ চিমপ্লেমেণ্ট বা পাউদাৰ গ্ৰহণ কৰাতকৈ এই থলুৱা টেঙা ফলবিধ অধিক লাভদায়ক হ‘ব পাৰে।
৪. ৰোগ প্ৰতিৰোধ ক্ষমতা বৃদ্ধি
থেকেৰাত প্ৰচুৰ পৰিমাণে ভিটামিন-চি (Vitamin C) আৰু অন্যান্য এন্টিঅক্সিডেন্ট থাকে।
এই উপাদানে শৰীৰৰ ৰোগ প্ৰতিৰোধ ক্ষমতা (Immunity) বৃদ্ধি কৰে।
চৰ্দি, কাহ বা শ্বাসজনিত ৰোগতো ই উপকাৰী।
৫. অন্যান্য গুৰুত্বপূৰ্ণ উপকাৰিতা
প্ৰসাৱৰ সমস্যা: প্ৰসাৱ জ্বলা-পোৰা কৰা, সঘনাই প্ৰসাৱ হোৱা বা প্ৰসাৱৰ সংক্ৰমণজনীত ৰোগত পুৰণি কুঁজি থেকেৰা মহৌষধস্বৰূপ।
যকৃতৰ সমস্যা: ফেটি লিভাৰ (Fatty Liver) সমস্যাত ইয়াৰ চৰবত সেৱন কৰিলে উপকাৰ পোৱা যায়।
শৰীৰ শোধন: ই শৰীৰত জমা হোৱা অপকাৰী টকচিন্স (Toxins) বা বৰ্জিত পদাৰ্থ নিষ্কাশন কৰি শৰীৰ শোধন কৰাত সহায় কৰে।
সৌন্দৰ্য বৰ্ধন: ই ছালৰ সৌন্দৰ্য বঢ়োৱাতো সহায় কৰে।
