‘শুদ্ধ কপাহী সূতাৰ মাস্ক প্ৰস্তুত কৰি চৰকাৰক প্ৰদান কৰিছে খাদী ব’ৰ্ডে’; কমলা কলিতা
৫০ লাখ মাস্ক প্ৰস্তুত কৰাৰ লক্ষ্য আমি হাতত লৈছে খাদী আৰু গ্ৰামোন্নয়ন বোৰ্ডে ৷ ইতিমধ্যে পাছ লাখ মাস্ক প্ৰস্তুত কৰি বিতৰণ কৰা হৈছে ৷ আজি এক সংবাদ মেলত এইদৰে কয় ব’ৰ্ডৰ অধ্যক্ষ কমলা কলিতাই।
লগতে তেওঁ কয়, ইয়াৰে বেংক অথবা অন্যান্য কায্যালয়লৈ প্ৰেৰণ কৰা হৈছে এই মাস্কসমূহ ৷ ষ্টেট বেংকে ২০ হাজাৰ মাস্ক ক্ৰয় কৰিছে৷ এই সকলো মাস্ক ইক ফ্রেণ্ডলী।
‘খাদী ব’ৰ্ডৰ কৰ্মচাৰীৰ এদিনৰ দৰমহা চৰকাৰৰ আৰোগ্য নিধিত দিয়া হৈছে৷ কালি পাঁচ লাখ টকা মুখ্যমন্ত্ৰী আৰোগ্য নিধিলৈ প্ৰদান কৰা হৈছে।’ অধ্যক্ষ কলিতাই কয়।
স্বাস্থ্য বিভাগক দুই হাজাৰ বিনামূলীয়া যোগান ধৰা হৈছে বুলি উল্লেখ কৰি কমলা কলিতাই কয় যে এই মাস্কৰ ফলত বোৱনী শিপিনীসকল উপকৃত হ’ব পাৰিব৷ ছিংগল লেয়াৰ মাস্কৰ মূল্য ২৫ টকা আৰু ডাবোল লেয়াৰ মাস্কৰ মূল্য ৩৫ টকা ৷ ল’কডাউনৰ পিছতো মাস্ক প্ৰস্তুত কৰা প্ৰক্ৰিয়া অব্যাহত থাকিব।
স্কুল-কলেজলৈ মাস্ক দিয়াৰ সম্ভাৱনা দিয়া হ’ব বুলি জানিবলৈ দিয়ে কলিতাই।
‘এই মাস্ক বনোৱাত প্ৰায় ডেৰ হাজাৰ লোক জড়িত হৈ আছে৷ল’কডাউনৰ মাহত পাঁচ লক্ষাধিক টকা লোকচান হৈছে খাদী বৰ্ডৰ৷ তিনি লাখ চৰকাৰী কৰ্মচাৰীক প্ৰথম পৰ্যায়ত প্ৰদান কৰিব খাদী ব’ৰ্ডে খাদী কাপোৰ৷যাৰ বাজেট ২০ কোটি৷ চৰকাৰৰ পৰা অনুমেদন লাভ কৰিছিল যদিও লক ডাউনৰ বাবে কাম স্থগিত হৈ আছে ৷’ সংবাদ মেলত কলিতাই কয়।