‘নিৰাপদ গৰ্ভধাৰণ’ৰ বিষয়ে জানিলে অবাঞ্চিত গৰ্ভধাৰণৰ পৰা হাত সাৰিব পাৰি। কাৰণ গৰ্ভনিৰোধক ঔষধ গ্ৰহণ কৰাটো সঠিক কাম নহয়। এই ঔষধে শৰীৰত বিভিন্ন পাৰ্শ্বক্ৰিয়াৰ সৃষ্টি কৰিব পাৰে। ইয়াৰ পৰিৱৰ্তে প্ৰাকৃতিক আৰু সহজ পদ্ধতিটো বাছি লওক, যাক কোৱা হয় ‘নিৰাপদ সময়সীমা পদ্ধতি’।
এই ‘নিৰাপদ পিৰিয়ড পদ্ধতি’ কি?
চিকিৎসা বিজ্ঞানত এই পদ্ধতিক ‘কেলেণ্ডাৰ পদ্ধতি’ বুলি কোৱা হয়। কিন্তু যেতিয়া আপোনাৰ মাহেকীয়া নিয়মীয়া হ’ব তেতিয়াহে ই ফলপ্ৰসূ হ’ব। সঠিক হিচাপ কৰিলে দেখিব যে গৰ্ভধাৰণৰ ভয় নোহোৱাকৈ সংগম কৰিব পাৰি।
নিৰাপদ সময়সীমা কেনেকৈ গণনা কৰিব?
মাহেকীয়া শেষ হোৱাৰ পিছৰ চাৰিদিন আৰু পিৰিয়ড আৰম্ভ হোৱাৰ আগৰ প্ৰথম সাত দিনক নিৰাপদ দিন বুলি গণ্য কৰা হয়। অৰ্থাৎ যিদিনা আপোনাৰ মাহেকীয়া আৰম্ভ হয় সেই দিনটোক প্ৰথম দিন হিচাপে ল’ব লাগে। ৫ দিনৰ পৰা গণনা কৰিলে ৫ৰ পৰা ১০ দিন নিৰাপদ। আকৌ ১১ দিনৰ পৰা ২০ দিনলৈ নিৰাপদ নহয়। আকৌ ২১ৰ পৰা ৩০ দিন নিৰাপদ। নিয়মীয়াকৈ মাহেকীয়া হোৱাসকলেহে এই পদ্ধতি অনুসৰণ কৰিব।
যদি আপুনি কেলেণ্ডাৰ পদ্ধতিৰ বিষয়ে নিশ্চিত নহয় তেন্তে কণ্ডম ব্যৱহাৰ কৰক। ই কেৱল গৰ্ভধাৰণ ৰোধ কৰাই নহয়, বিভিন্ন যৌন সংক্ৰামক ৰোগৰ পৰাও সুৰক্ষা প্ৰদান কৰে। কণ্ডম ব্যৱহাৰ কৰাটো অতি প্ৰয়োজনীয় যাতে সংগীৰ শৰীৰৰ পৰা আপোনাৰ শৰীৰলৈ বিভিন্ন যৌন সংক্ৰামক ৰোগ নাযায়। গতিকে, সংগমৰ পূৰ্বে নিজৰ শৰীৰৰ প্ৰতি সচেতন হওক। ‘নিৰাপদ সময়সীমা পদ্ধতি’ৰ বিষয়ে সচেতন হওক।
