আমেৰিকাৰ পৰাই লোকসভা নিৰ্বাচনৰ প্ৰচাৰ আৰম্ভ কৰিছে ৰাহুল গান্ধীয়ে। আমেৰিকা ভ্ৰমণৰ সময়ত সাংবাদিকৰ আগত ৰাহুল গান্ধীয়ে কয় যে ‘২০২৪ চনৰ নিৰ্বাচনৰ ফলাফলে দেশৰ জনসাধাৰণক আচৰিত কৰি তুলিব।’
কেৱল সেয়াই নহয়, ৰাহুল গান্ধীয়ে কয় যে বিৰোধীয়ে যথেষ্ট ভাল কাম কৰি আছে। তেওঁলোক একত্ৰিত হৈছে। ভাৰতৰত এটা ’আণ্ডাৰকাৰেণ্ট‘ গঢ় লৈ উঠিছে। যিয়ে সাধাৰণ মানুহক আচৰিত কৰি তুলিব।
লগতে পঢ়কঃ ধৰ্ষণত অভিযুক্ত বিচপ ফ্ৰাংকো মুলাক্কালৰ পদত্যাগ পত্ৰ গ্ৰহণ কৰিলে পোপ ফ্ৰান্সিছে
আমেৰিকাৰ প্ৰেছ ক্লাবত সাংবাদিকক ৰাহুল গান্ধীয়ে কয়, ‘মই ভাবো অহা দুবছৰত কংগ্ৰেছ দলে বহুত ভাল কাম কৰিব।’
কৰ্ণাটক বিধানসভাৰ কথা উল্লেখ কৰি ৰাহুল গান্ধীয়ে কয় যে, বৰ্তমান কংগ্ৰেছৰ অৱস্থা অতি ভাল।
ৰাহুল গান্ধীয়ে ভাৰতৰ সংবাদ স্বাধীনতা, ধৰ্মীয় স্বাধীনতা, সংখ্যালঘুৰ বিষয় আৰু অৰ্থনীতিৰ অৱস্থাৰ বিষয়েও বক্তব্য আগবঢ়ায়। তেওঁ কয় যে ভাৰতৰ গণতান্ত্ৰিক ব্যৱস্থা যথেষ্ট শক্তিশালী। কিন্তু ইয়াক দুৰ্বল কৰাৰ প্ৰচেষ্টা চলোৱা হৈছে।
ৰাহুল গান্ধীয়ে কয় যে ভাৰতৰ গণতন্ত্ৰৰ বাবে সংবাদ মাধ্যমৰ স্বাধীনতা অতি গুৰুত্বপূৰ্ণ। সংবাদ মাধ্যমৰ স্বাধীনতাৰ ভিতৰতে নিহিত হৈ আছে দেশৰ বহু প্ৰতিষ্ঠানৰ স্বাধীনতা।
ভাৰত-আমেৰিকাৰ সম্পৰ্কৰ বিষয়েও ৰাহুল গান্ধীয়ে মুকলিকৈ কয়। তেওঁ কয় যে ভাৰত-আমেৰিকাৰ সম্পৰ্ক দুয়োখন দেশৰ বাবে অতি গুৰুত্বপূৰ্ণ। লগতে তেওঁ কয় যে দুয়োখন দেশৰ মাজত প্ৰতিৰক্ষাৰ সম্পৰ্ক থকাটো অতি প্ৰয়োজনীয়।
লগতে পঢ়কঃ ৯ বছৰীয়া হিন্দু কিশোৰীক অপহৰণ কৰি ধৰ্মান্তৰিত , তাৰপিছত ৫৫ বছৰীয়া ব্যক্তিৰে বিবাহ
