সোমবাৰে হায়ডৰাবাদত এজন পিশাচৰূপী দোকানীয়ে সংঘটিত কৰে এক জঘন্য কাণ্ড। এটি কণমাণি শিশুক উলংগ কৰি যৌনাংগত ঘঁহি দিয়ে জলকীয়াৰ গুৰি। ভুক্তভোগী শিশুটিৰ বয়স ১০ বছৰ বুলি জানিব পৰা গৈছে।
শিশুটিয়ে পিয়াহত উক্ত দোকানী জনৰ দোকানৰ পৰা চুৰি কৰিছিল এটা সৰু শীতল পানীয়ৰ বটল। এইয়াই আছিল শিশুটোৰ অপৰাধ। যাৰ বাবে দোকানীয়ে শিশুটিক ঘৰৰ পৰা তুলি লৈ আনে আৰু নিজৰ ঘৰৰ ছাঁদৰ ওপৰলৈ লৈ যায় শিশুটিক। তাতে দোকানীজনে শিশুটিৰ পেন্ট খুলি যৌনাংগত সানি দিয়ে জলকীয়া গুৰি।
ভুক্তভোগী শিশুটিৰ মাতৃৰ অভিযোগৰ ভিত্তিত আৰক্ষীয়ে অভিযুক্ত দোকানীজনক গ্ৰেপ্তাৰ কৰে। ইতিমধ্যে দোকানী জনৰ বিৰুদ্ধে কেইবাটাও ধাৰাত গোচৰ ৰুজু কৰা হৈছে।
সোমবাৰে সন্ধিয়া আৰক্ষী থানাত দাখিল কৰা এজাহাৰত শিশুটিৰ মাতৃয়ে কয় যে ৩০ বছৰীয়া দোকানীজনে তেওঁৰ পুত্ৰক বলপূৰ্বকভাৱে লৈ যায়। তাৰ পাছত ঘৰৰ ছাঁদলৈ লৈ গৈ পেন্ট খুলি জলকীয়াৰ গুড়িখিনি যৌনাংগৰ লগতে গোটেই গাত ঘঁহি দিয়ে।
সমগ্ৰ ঘটনাৰ এটা ভিডিঅ’ ভাইৰেল হৈছে। ভিডিঅ’টোত দেখা গৈছে যে শিশুটি উলংগ হৈ ছাঁদত বহি আছে। নাইলনৰ ৰছীৰে বান্ধি থোৱা আছে শিশুটিৰ দুই হাত। যন্ত্ৰণাত সি কাতৰ হৈ পৰিছে।
দোকানীজনে কেৱল শিশুটিক অত্যাচাৰ কৰাই নহয়। শিশুটিৰ খুড়াককো পাইপেৰে প্ৰহাৰ কৰাৰো অভিযোগ উত্থাপন হৈছে।
শিশুটিৰ ককাকে কৈছে যে – তেওঁৰ দোকানৰ পৰা যদি চুৰি কৰিছিল, তেন্তে এই কথা আমাক কিয় খবৰ দিয়া নহ’ল? অকণমাণি শিশুটিয়ে ভুল কৰিলে বুলিয়েই এনেকৈ শাস্তি দিয়াৰ অধিকাৰ দোকানীজনক কোনে দিলে?
আৰক্ষী বিষয়া ছাইদা বাবুৱে জনোৱা মতে, অভিযুক্ত দোকানীজনে জেৰাৰ সময়ত দাবী কৰিছিল যে শিশুটিয়ে প্ৰায়ে তেওঁৰ দোকানৰ পৰা ইট সিটো বস্তু চুৰি কৰে। কিন্তু শিশুটিৰ মাকে দোকানীজনৰ এই অভিযোগ নৎসাৎ কৰি কৈছে যে দোকানীজনৰ অভিযোগ মিছা।