ভয়ংকৰ গোলকীয় উষ্ণতা বৃদ্ধিৰ দিশত পৃথিৱী। ক্ৰমশঃ তীব্ৰ হাৰত বৃদ্ধি পাইছে গোলকীয় উষ্ণতা। গোলকীয় উষ্ণতা বৃদ্ধিৰ সতৰ্কবাণী জাৰি কৰিছে আই পি চি চিয়ে !
মঙলবাৰে প্ৰকাশ পোৱা আইপিচিচিৰ এক প্ৰতিবেদনত কোৱা হৈছে যে সেউজ গৃহ গেছৰ নিৰ্গমন বৃদ্ধিৰ বাবে আহি থকা দশকটোত গোলকীয় উষ্ণতা বৃদ্ধিৰ হাৰ ১.৫ ডিগ্ৰী চেলছিয়াছ হ’ব পাৰে। ফলত জলবায়ু পৰিৱৰ্তনৰ হাৰ ত্বৰান্বিত হ’ব। সমগ্ৰ পৰিৱেশ তন্ত্ৰৰ ওপৰত নেতিবাচক প্ৰভাৱ পৰিব পাৰে।
লগতে পঢ়কঃ ভূমিকম্পই কঁপাই তুলিলে আফগানিস্তান: ভাৰততো অনুভূত কম্পন
এতিয়া যদি ব্যৱস্থা গ্ৰহণ কৰা নহয় তেন্তে বহু পলম হ’ব বুলি আশংকা কৰাৰ কথা উল্লেখ কৰিছে আই পি চি চিয়ে প্ৰকাশ কৰা প্ৰতিবেদনত। কোৱা হৈছে যে পৃথিৱীৰ সকলো দেশেই পৃথিৱীক এই ভয়াবহ অৱস্থাৰ পৰা বচাবলৈ পদক্ষেপ ল’ব লাগিব। লক্ষ্য হ’ব লাগিব ২০৩০ চনৰ ভিতৰত সেউজ গৃহ গেছৰ নিৰ্গমন আধালৈ আৰু ২০৫০ চনৰ ভিতৰত শূন্যলৈ পৰিণত কৰা।
লগতে পঢ়কঃ বিবাহৰ ছয় বছৰৰ পিছত দম্পতীৰ জীৱনলৈ আহিল অনাহুত খবৰ: চিকিৎসা পৰীক্ষাত ওলাল প্ৰকৃত সম্পৰ্কৰ ৰহস্য
ৰাষ্ট্ৰসংঘৰ সচিব প্ৰধান এণ্টনিঅ’ গুটেৰেছে মন্তব্য কৰে যে, “মানৱ সভ্যতাই আজি পাতল বৰফৰ ওপৰত অৱস্থান কৰিছে। আৰু সেই বৰফ দ্ৰুতগতিত গলিছে। গতিকে সমগ্ৰ বিশ্বতে পৰিৱেশ সম্পৰ্কীয় সজাগতা আৰু ব্যৱস্থাৰ প্ৰয়োজন।”
বৰ্তমানৰ পৰিস্থিতিক ‘টাইম বোমা’ৰ সৈতে তুলনা কৰি ৰাষ্ট্ৰসংঘৰ সচিবগৰাকীয়ে কয় যে আই পি চি চিৰ নতুন প্ৰতিবেদনত সেই বোমাটো নিষ্ক্ৰিয় কৰাৰ দাবী কৰা হৈছে।
লগতে পঢ়কঃ দেশত একনায়কত্ববাদ চলিছে নেকি! বিজপিক বাক্যবাণ তেজস্বী যাদৱৰ
উল্লেখ্য যে সপ্তাহজোৰা বৈঠকৰ অন্তত ১৯৫ খন দেশৰ অনুমোদন লৈ এই প্ৰতিবেদনখন প্ৰকাশ কৰা হৈছে। উষ্ণতা বৃদ্ধিৰ প্ৰভাৱ সমগ্ৰ বিশ্বতে অনুভৱ হৈছে। এই পৰিস্থিতি অব্যাহত থাকিলে আগন্তুক দিনত গৰমৰ বাবে লাখ লাখ লোকৰ মৃত্যুৰ আশংকা আছে। লগতে খাদ্য আৰু পানীৰো নাটনি হ’ব পাৰে। ফলত দুৰ্ভিক্ষৰ সৃষ্টি হ’ব পাৰে। উষ্ণতা বৃদ্ধিৰ বাবে উত্তৰ গোলাৰ্ধৰ বৰফ গলি সাগৰৰ জলপৃষ্ঠ বৃদ্ধি পাব পাৰে।
লগতে পঢ়কঃ কাৰ্যালয়ত বিশ্বত্ৰাস লাডেনৰ ছবি! চাকৰিৰ পৰা বৰ্খাস্ত মহকুমা বিষয়া
