বৰপেটা চহৰত যোৱা ১১ ছেপ্টেম্বৰত দিন দুপৰতে এগৰাকী যুৱতীৰ শ্লীলতা হানিৰ ঘটনাৰ সৈতে জড়িত যুৱকজনক যোৱা নিশা আটক কৰিবলৈ সক্ষম হয় ৷
উল্লেখ্য যে, হিন্দু ধৰ্মৱালম্বী যুৱতী গৰাকীয়ে উক্ত দিনা নিজ কৰ্মস্থলী “V 2″ত উপস্থিত হোৱাৰ লগে লগে ইছলাম ধৰ্মৰ যুৱকজনে যুৱতীগৰাকীক আগুচি ধৰি টনা-আজোৰা কৰাৰ লগতে মলৰ পাৰ্কিং ঠাইলৈ টানি লৈ যায় আৰু তাত যুৱতীগৰাকীৰ শ্লীলতা হানিৰ অপচেষ্টা চলায় ৷
পাছত ভুক্তভোগী যুৱতী গৰাকীয়ে এই ঘটনা সন্দৰ্ভত বৰপেটা সদৰ থানাত উপস্থিত হৈ হাফিজুৰ ৰহমান নামৰ যুৱক জনৰ বিৰুদ্ধে এজাহাৰ দাখিল কৰে ৷
এই ঘটনাক লৈ বৰপেটাত তীব্ৰ প্ৰতিক্ৰিয়াৰ সৃষ্টি হোৱাৰ লগতে যুৱকজনক গ্ৰেপ্তাৰ কৰাৰ দাবীত কালি ৰামসেনাই প্ৰতিবাদী সমদলো উলিয়ায় ৷
অৱশেষত যোৱা নিশা শিলচৰৰ বাশকান্দিৰ পৰা হাফিজুৰ ৰহমানক আৰক্ষীয়ে আটক কৰা বুলি বিশেষ সুত্ৰে জানিব পৰা গৈছে ৷