যৌনতা আমাৰ জীৱনৰ এক গুৰুত্বপূৰ্ণ অংগ। সকলো মানুহেই যৌন সম্পৰ্ক গঢ়িব বিচাৰে। সুস্থ যৌন সম্পৰ্কই আমাৰ জীৱনটোক ৰমণীয় আৰু উপভোগ্য কৰি তোলে। স্বাস্থ্যৰ বাবেও যৌন সম্পৰ্ক অতিকে প্ৰয়োজনীয়।
কিন্তু যৌনতাৰ ক্ষেত্ৰত যদি আমি কিছুমান কথা লক্ষ্য নকৰো তেন্তে ই আমাৰ বাবে স্বাস্থ্যকৰ হোৱাৰ পৰিবৰ্তে স্বাস্থ্যৰ অনিষ্টহে কৰিব পাৰে।
যৌন সম্পৰ্ক এনে এক সম্পৰ্ক যাৰ দ্বাৰা এজন ব্যক্তিৰ পৰা আন এজন ব্যক্তিলৈ খুব সহজেই কিছুমান ৰোগ বিয়পি যাব পাৰে। এনে কিছুমান ৰোগ আছে যিবোৰ ৰোগত সংক্ৰমিত ব্যক্তিৰ লগত শাৰীৰিক সম্পৰ্ক গঢ়িলে সেই ৰোগ সংগীৰ শৰীৰতো প্ৰৱেশ কৰিব পাৰে।
গতিকে যৌন সম্পৰ্কৰ দ্বাৰ সংক্ৰমিত হ’ব পৰা কেইটামান গুৰুতৰ ৰোগৰ বিষয়ে তলত আলোচনা কৰা হ’ল –
ক্ল’মাইডিয়া : ক্ল’মাইডিয়া হৈছে ক্ল’মাইডিয়া ট্ৰেক’মেটিছ নামৰ বেক্টেৰিয়াৰ দ্বাৰা হোৱা এক সাধাৰণ যৌন সংক্ৰমণ (STI)। ই পুৰুষ আৰু মহিলা উভয়কে আক্ৰান্ত কৰিব পাৰে, আৰু এন্টিবায়টিকৰ দ্বাৰা সহজে চিকিৎসা কৰিব পাৰি। কিন্তু চিকিৎসা নকৰিলে ক্ল’মাইডিয়াই গুৰুতৰ স্বাস্থ্যজনিত সমস্যাৰ সৃষ্টি কৰিব পাৰে।
গনোৰিয়া: গনোৰিয়া হৈছে এক যৌন সংক্ৰমণ। যিয়ে যৌনাংগ, মলদ্বাৰ, মুখ, ডিঙি, চকু আদিত প্ৰভাৱ পেলাব পাৰে। সাধাৰণতে আক্ৰান্ত ব্যক্তিৰ সংস্পৰ্শলৈ অহাৰ ১–১৪ দিনৰ পিছত ইয়াৰ লক্ষণ দেখা দিয়ে।
চিফিলিছ : ট্ৰেপনেমা পেলিডাম বেক্টেৰিয়াৰ দ্বাৰা চিফিলিছ ৰোগ হয়। । যৌন সংস্পৰ্শ, তেজ সম্পৰ্ক বা গৰ্ভৱতী মহিলাৰ পৰা ভ্ৰুণলৈ চিফিলিছ সংক্ৰমিত হ’ব পাৰে।
ট্ৰাইক’ম’নিয়াছিছ: ট্ৰাইক’ম’নিয়াছিছ, যাক “ট্ৰিচ” বুলিও কোৱা হয়। ই হৈছে ট্ৰাইক’ম’নাছ ভেজিনেলিছ নামৰ পৰজীৱীৰ দ্বাৰা হোৱা এক যৌন সংক্ৰমণ।
হাৰপিছ ছিমপ্লেক্স ভাইৰাছ (HSV) : এটা দুৰাৰোগ্য কিন্তু চিকিৎসাযোগ্য ৰোগ।
এইচ আই ভি : এইডছৰ বাবে এইচ আই ভি ৰোগ হয়। ই এক দুৰাৰোগ্য কিন্তু চিকিৎসাযোগ্য ৰোগ। যৌন সম্পৰ্কৰ ফলত হ’ব পৰা ই এক ভয়াৱহ ৰোগ।
হিউমেন পেপিলোমা ভাইৰাছ (HPV): ইয়ো এক দুৰাৰোগ্য কিন্তু চিকিৎসাযোগ্য ৰোগ। হিউমেন পেপিলোমা ভাইৰাছ হৈছে ছালত প্ৰভাৱিত কৰি উফি বা কেন্সাৰ সৃষ্টি কৰিব পৰা ভাইৰাছৰ এটা গোট।
হেপাটাইটিছ বি: ই লিভাৰ সম্পৰ্কীয় এক জটিল ৰোগ। এই ৰোগৰ ভেকচিনো পোৱা যায়। চিকিৎসাৰ দ্বাৰা আৰোগ্য হ’ব পাৰি। কিন্তু ই যৌন সম্পৰ্কৰ দ্বাৰা সংক্ৰমিত হ’ব পাৰে।
জিকা : জিকা ভাইৰাছ এবিধ জটিল ৰোগ। ই সাধাৰণতে ম’হৰ দ্বাৰা বিয়পে। কিন্তু সংক্ৰমিত লোকৰ লগত যৌন সম্পৰ্ক কৰিলে ই আন ব্যক্তিৰ শৰীৰত প্ৰৱেশ কৰিব পাৰে।
ইয়াৰ উপৰিও বিভিন্ন বেমাৰ যৌন সম্পৰ্কৰ ফলত আন ব্যক্তিলৈ সংক্ৰমিত হ’ব পাৰে। সেয়ে ৰুগীয়া ব্যক্তিৰ লগত সম্পৰ্ক কৰাৰ আগতে চিকিৎসকৰ পৰামৰ্শ লওক। বিয়া কৰোৱাৰ আগত স্বামী-স্ত্ৰী উভয়ৰে চিকিৎসা পৰীক্ষা কৰাওক। লগতে সুৰক্ষিত যৌন সম্পৰ্কৰ বাবে কণ্ডম ব্যৱহাৰ কৰক। যিকোনো লক্ষণে দেখা দিলে তৎক্ষণাত চিকিৎসকৰ কাষ চাপক। সুস্থ যৌন সম্পৰ্কৰ আনন্দ লওক।
