মাৰাত্মক ক’ৰ’না ভাইৰাছৰ সংক্ৰমণৰ পৰা দেশবাসীক ৰক্ষা কৰাৰ উদ্দেশ্যে প্ৰধান মন্ত্ৰী নৰেন্দ্ৰ মোদীয়ে ২৪ মাৰ্চত দেশত ২১ দিনৰ বাবে ল’কডাউন ঘোষণা কৰিছিল।
এই ল’কডাউনৰ সময়ত জৰুৰীকালীন সেৱা সমূহৰ বাহিৰে ধৰ্মীয়স্থান সমূহতো ৰাইজৰ প্ৰৱেশ বন্ধ কৰি দিয়া হৈছে।
কিন্তু কিছু সংখ্যক ইছলাম ধৰ্মালম্বী লোকে চৰকাৰ-প্ৰশানৰ নীতি-নিৰ্দেশনা অমান্য কৰি জুম্মাৰ নামাজ পঢ়িবলৈ ঘৰৰ পৰা ওলাই অহা দেখা গৈছে। এইসকল লোকৰ বাবে মহামাৰীৰ পৰা মানৱ সমাজক মুক্ত কৰাতকৈ ধৰ্ম ৰক্ষা বেছি গুৰুত্বপূৰ্ণ।
শুকুৰবাৰে, মহানগৰীৰ গুৱাহাটী ক্লাৱৰ বুঢ়া মছজিদত জুম্মাৰ নামাজ পঢ়িবলৈ কিছু সংখ্যক ইছলাম ধৰ্মাৱলম্বী লোক ওলাই আহে।
প্ৰশাসনৰ নিৰ্দেশ অমান্য কৰি গুৱাহাটীত নামাজ পঢ়িবলৈ ওলাই অহা এইসকল ব্যক্তিক গুৱাহাটী ক্লাৱত অসম আৰক্ষীৰ কৰ্তব্যৰত আৰক্ষীৰ জোৱানে আঁঠু কঢ়াই শাস্তি প্ৰদান কৰাৰ লগতে কিছুসংখ্যক লোকক লাঠীচালনা কৰি আঁতৰাই পঠায়।
উল্লেখযোগ্য যে, মানৱ জাতিৰ মহাবিপদৰ সময়ত চৰকাৰৰ নীতি-নিৰ্দেশনা পালন নকৰি এই সকল ধৰ্মান্ধ লোকৰ কৰ্ম-কাণ্ডক সচেতন লোক সকলে গৰিহণা দিছে।
