ভাৰতত আম্বানী-বিৰলাকে ধৰি কোটি কোটি টকাৰ সম্পত্তিৰ অধিকাৰী বহু উদ্যোগপতি আৰু ব্যৱসায়ী আছে।
উদ্যোগপতি আৰু ব্যৱসায়ীৰ উপৰিও বহু এনে ব্যক্তি আছে যাৰ নাম ধনী মানুহৰ তালিকাত অন্তৰ্ভুক্ত হৈছে।
আজি আমি দেশৰ কেইগৰাকীমান ধনী মুছলমানৰ কথা আলোচনা কৰিম যাৰ সমগ্ৰ পাকিস্তানক ক্ৰয় কৰিব পৰা সমৰ্থ আছে।
এম এ ইউচুফ আলী :
ভাৰতীয় ব্যৱসায়ী এম এ ইউচুফ আলীক ভাৰতৰ ধনী মানুহৰ তালিকাৰ ভিতৰত ধৰা হয়।
এম এ ইউচুফ আলী লুলু গ্ৰুপ ইণ্টাৰনেশ্যনেলৰ পৰিচালন সঞ্চালক। কেৰালাৰ সৰ্ববৃহৎ শ্বপিং মলখনৰ গৰাকীও তেওঁ। ভাৰতৰ উপৰিও উইচুফৰ চৌদি আৰব, ইউ এ ই আদি দেশত ব্যৱসায় আছে।
উইচুফৰ মুঠ সম্পত্তিৰ পৰিমাণ হৈছে ৪.২ বিলিয়ন ডলাৰ। ইউচুফৰ প্ৰতিষ্ঠানটোৱে ২০১৫ চনত ১০২৫ কোটি টকা ব্যয় সাপেক্ষে লণ্ডন আৰক্ষীৰ হেডকোৱাৰ্টাৰ ক্ৰয় কৰে আৰু ইয়াক পৰৱৰ্তী সময়ত বিলাসী হোটেললৈ ৰূপান্তৰ কৰে।
পদ্মভূষণ ইউচুফ হামিদ :
চিপলা ফাৰ্মা কোম্পানীৰ স্বত্তাধিকাৰী পদ্মভূষণ ইউচুফ হামিদৰ নামো ভাৰতৰ ধনী ব্যক্তিসকলৰ তালিকাত অন্তৰ্ভূক্ত হৈছে। দীঘলীয়া সময়ৰ বাবে হামিদৰ নাম ফ’ৰ্বছৰ ধনী ব্যক্তিৰ তালিকাৰ ভিতৰত আছে।
ইউচুফ হামিদৰ মুঠ সম্পত্তিৰ পৰিমাণ ২.৬ ডলাৰ। ২০০৫ চনত ভাৰত চৰকাৰৰ তৰফৰ পৰা ইউচুফ হামিদক তৃতীয় সৰ্বোচ্চ অসামৰিক সন্মান পদ্মভূষণেৰে সন্মানিত কৰা হয়।
আজাদ মোপেন :
ইষ্টিটিউট অব মেডিকেল চায়েন্স (কে আই এম এচ)ৰ প্ৰতিষ্ঠাতা আজাদ মোপেন ভাৰতৰ ধনী মুছলমান সকলৰ ভিতৰত অন্যতম।
ভাৰতৰ উপৰিও পৃথিৱীৰ বহু দেশত মোপেনৰ হোটেল আৰু চিকিৎসালয় আছে। মোপেনৰ মুঠ সম্পত্তিৰ পৰিমান ১.২৮ বিলিয়ন ডলাৰ।
উল্লেখযোগ্য যে, প্ৰতিবছৰে এইসকল ব্যক্তিৰ মুঠ সম্পত্তিৰ পৰিমাণ বৃদ্ধি পাই আহিছে। তেওঁলোকৰ কষ্ট আৰু একাগ্ৰতাই এই সফলতাৰ আঁৰৰ মূল কাহিনী।
কোটি কোটি টকীয়া ব্যৱসায় সাম্ৰাজ্য গঢ় দিয়াৰ বাবে এইসকল সফল ব্যক্তিয়ে দিনে-নিশাই কষ্ট কৰিহে সফলতা অৰ্জন কৰিছে।
