বন্ধৰ দিনত পত্নী আৰু কন্যাৰ সৈতে এখন বিখ্যাত ৰেষ্টুৰেণ্টত দুপৰীয়াৰ আহাৰ খাবলৈ গৈছিল। ৰুটি, চিকেন কাৰী আৰু মাটন থালি অৰ্ডাৰ দিছিল পৰিয়ালটোৱে।
অলপ সময়ৰ ভিতৰতে আদেশ অনুসৰি খাদ্য টেবুলত আহি পালেহি। কিন্তু, চিকেনৰ বাচনটোত চকু দি অবাক হ’ল সকলো। কুকুৰাৰ মাংসৰ মাজত ওলাল এটা নিগনি।
ইতিমধ্যে খোৱা খাদ্য খিনি উকালিত ওলাই আহিল তেওঁলোকৰ। লগে লগে তেওঁলোক ৰেস্তোঁৰাৰ পৰা ওলাই গ’ল। শেহতীয়াকৈ মুম্বাইৰ বান্দ্ৰাৰ এখন বিখ্যাত ৰেষ্টুৰেণ্টত সংঘটিত হৈছে এই ঘটনা।
ব্যৱসায়িক চহৰখনৰ বিখ্যাত ৰেষ্টুৰেণ্টখনৰ খাদ্যত নিগনি পোৱাৰ ঘটনাৰ খবৰ পোৱাৰ পিছত স্বাভাৱিকতে সকলোৰে আচৰিত হৈ পৰে! বিখ্যাত ৰেষ্টুৰেণ্টৰ খাদ্যৰ ক্ষেত্ৰত যদি এনেকুৱা হয় তেন্তে সাধাৰণ ৰেষ্টুৰেণ্টত কি হ’ব!
এনে ঘটনাৰ পুনৰাবৃত্তি ৰোধ কৰিবলৈ দম্পতীহালে একেদিনাই বান্দ্ৰা থানাত এজাহাৰ দাখিল কৰে। তাৰ পিছত এই ঘটনাক লৈ ফুড এণ্ড ড্ৰাগ এডমিনিষ্ট্ৰেচন (এফ ডি এ)সোচ্চাৰ হৈ পৰে।
এই ঘটনাৰ পিছতে এফ ডি এ-এ কঠোৰ ব্যৱস্থা গ্ৰহণ কৰিছে। ইতিমধ্যে এফ ডি এয়ে ৰেষ্টুৰেণ্টৰ মালিকক জাননী দিছে। ইয়াৰ উপৰিও মুম্বাইৰ সৰু-বৰ সকলো ৰেষ্টুৰেণ্টত এফ ডি এয়ে অভিযান আৰম্ভ কৰিছে।
