খাদ্য খোৱাৰ পাছত বহুতে নানা ধৰণৰ অভ্যাস অনুসৰণ কৰে — কিছুমানে খোজ কাঢ়ে, আন কিছুমানে জিৰণি লয় বা পানী খায়। কিন্তু বিশেষজ্ঞৰ মত অনুসৰি, খাদ্য গ্ৰহণৰ পাছত কিছুমান অভ্যাস আমাৰ স্বাস্থ্যৰ বাবে ক্ষতিকাৰক হ’ব পাৰে। এই ভুলবোৰ যদি নিয়মীয়াকৈ কৰি আহিছে, তেন্তে সময়ত সাৱধান হ’ব লাগিব। খাদ্য কেৱল পেট ভৰাবলৈ নহয়, ই আমাৰ শৰীৰত হজম প্ৰক্ৰিয়া, শক্তিৰ উৎপাদন আৰু সামগ্ৰিক স্বাস্থ্যৰ সৈতে জড়িত। গতিকে, খাদ্য খোৱাৰ পাছত তৎক্ষণাত কিছুমান কাম বৰ্জন কৰাটো অতি জৰুৰী। তলত তেনে ৫ টা অভ্যাসৰ কথা উল্লেখ কৰা হৈছে, যিবোৰ খাদ্য গ্ৰহণৰ পাছত এৰাই চলা উচিত-
১. খাদ্য খোৱাৰ পাছতে শুব নালাগে
খাদ্য খোৱাৰ পাছত তৎক্ষণাত শুব নালাগে। বহুতে বিশেষকৈ দুপৰীয়া বা ৰাতিৰ আহাৰৰ পাছত শুবলৈ যায়, যি অভ্যাস শৰীৰৰ হজম প্ৰক্ৰিয়াত ব্যাঘাত জন্মাই। ইয়াৰ ফলত বুকুত জলা-পুৰা, এচিডিটি আৰু বদহজমৰ সমস্যা দেখা দিব পাৰে। বিশেষজ্ঞসকলে ক’লে মতে, আহাৰৰ অন্ততঃ ১-১.৫ ঘণ্টা পাছতহে শুব উচিত।
২. ধূমপান এৰাই চলক
ধূমপান স্বাস্থ্যৰ বাবে ক্ষতিকাৰক — এই কথা সকলোৱে জানে। কিন্তু খাদ্য খোৱাৰ পাছত ধূমপান কৰিলে ইয়াৰ ক্ষতি আৰু বেছি হয়। এই সময়ত শৰীৰত হজম প্ৰক্ৰিয়া জোৰেৰে চলি থাকে আৰু নিকোটিন দ্ৰুতভাৱে শোষিত হয়। ফলত কেন্সাৰৰ আশঙ্কা বৃদ্ধি পায়। সেয়ে কমেও ৩০-৪০ মিনিট সময়ৰ পিছতহে ধূমপান কৰা উচিত। ধূমপান এৰাই চলাটোৱে আপনাৰ বাবে মঙ্গলজনক।
৩. পানী বা চাহ খোৱাটো এৰাই চলিব
অধিকাংশই খাদ্য খোৱাৰ লগে লগে পানী বা চাহ খায়। কিন্তু চাহত থকা টেনিন পদাৰ্থে শৰীৰত আইৰণ আৰু অন্যান্য খনিজ পদাৰ্থ শোষণত বাধা দিয়ে। লগতে, তৎক্ষণাত পানী খালে পাচনত অসুবিধা হ’ব পাৰে। এই কাৰণে খাদ্য গ্ৰহণৰ অন্ততঃ ৩০ মিনিট পিছত পানী বা চাহ খোৱাটো উত্তম।
৪. তৎক্ষণাত খোজকাঢ়া সঠিক নহয়
খাদ্য খোৱাৰ পাছত বহুতেই খোজ কাঢ়ে। কিন্তু খোৱাৰ লগে লগে খোজকাঢ়া স্বাস্থ্যৰ বাবে সহায়ক নহয়। তেজৰ সোঁত পেটৰ ফালে নিৱিষ্ট হোৱা উচিত, কিন্তু খোজকাঢ়া কৰিলে সেই প্ৰক্ৰিয়া ব্যাহত হয়। গতিকে খোৱাৰ অন্ততঃ ২০-৩০ মিনিট পাছতে খোজ কাঢ়া উচিত।
৫. গা ধোৱাটো কিছুসময় পাছত কৰক
বহুলোকে আহাৰ খোৱাৰ পাছত তৎক্ষণাত গা ধুৱাৰ অভ্যাস ৰাখে। এই সময়ত গা ধুলে শৰীৰৰ উষ্ণতা হ্ৰাস পায় আৰু তেজ পেটৰ সলনি ছালৰ ফালে গতি কৰে। ফলস্বৰূপে হজম প্ৰক্ৰিয়া মন্থৰ হয়। বিশেষজ্ঞসকলে ক’লে মতে, খাদ্য খোৱাৰ অন্ততঃ ৩০-৪০ মিনিট পিছতে গা ধুব লাগে।
খাদ্য গ্ৰহণৰ পাছত এই সাধাৰণ ভুলবোৰ যদি আপুনি নিয়মীয়াকৈ কৰি আহিছে, তেন্তে এতিয়াৰে পৰা সাৱধান হওঁক। সু–স্বাস্থ্যৰ বাবে সময়ত সঠিক অভ্যাস গঢ়ি তোলা অতি প্ৰয়োজন।
