ভদোদৰাৰ এজন ১৯ বছৰীয়া যুৱকৰ শৰীৰত সাতবাৰকৈ কোভিড১৯ পিজিটিভ উলোৱাৰ পিছতো দেহত ফুটি উঠা নাই কোভিড১৯ৰ লক্ষণ।
ভদোদৰা হাই স্পীড ৰে’লৱেৰ প্ৰশিক্ষণ ইনষ্টিটিউটত আইছ’লেশ্যনত থকা ১২ গৰাকী কোভিড১৯ পজিটিভ লোকৰ মাজৰে জয় পাটনি নামৰ যুৱকজনৰ শৰীৰত কোভিড১৯ কোনো লক্ষণে দেখা দিয়া নাই।
‘কাহ নাই, অৱশতা নাই, আনকি মূৰৰ বিষো নাই। প্রথম দিনাতকৈ মই সম্পূৰ্ণ ভালে আছো।’ পাটনিয়ে কয়।
যুৱকজনে কোৱাৰেন্টাইন কক্ষৰ বাৰান্দাত থাকি সময় অতিবাহিত কৰাৰ পত্যক্ষ কৰি থকা দেখা গৈছে।
‘কৰিবলৈ মোৰ একো নাই। বাৰান্দাত ঘূৰি ফুৰো, চিনেমা চাওঁ, ফোনত কথা পাতো, গেম খেলো। দিনবোৰ এনেকৈ পাৰ কৰি আছো।’ যোৱা ১২ এপ্ৰিলত আইছ’লেটেড হৈ এমাহ সম্পূৰ্ণ কৰা পাটনিয়ে কয়।
যুৱকজনক অভিভাৱকৰ সৈতে যোৱা ১২ এপ্ৰিলত কোভিড১৯ পজিটিভ পোৱা গৈছিল। চুবুৰীয়া এটি শিশু কোভিড১৯ত আক্ৰান্ত হৈ মৃত্যু হোৱাৰ পিছতে তেওঁলোকৰ স্বাস্থ্য পৰীক্ষা কৰা হৈছিল।
গোট্ৰি মেডিকেল কলেজ এণ্ড হাস্পতালত ভৰ্তি কৰোৱাৰ পাছত তাত ২০ দিন থকাৰ পিছত পাটনিক ৰে’লৱেৰ উক্ত স্থানত আইছ’শ্যলেটেড কৰা হয়।
‘মই বিচৰা নাই মোৰ দ্বাৰা মোৰ অভিভাৱক পুনৰ আক্ৰান্ত হওক। নিগেটিভ ওলোৱালৈ মই ৰৈ আছো।’ পাটনিয়ে কয়।
তেওঁ আৰু কয়, ‘ইয়াত মই কোনোধৰণৰ চিকিৎসাৰ আশা কৰি থকা নাই। প্ৰয়োজন হ’লেহে চিকিৎসকক মাতিম।’
এতিয়া পাটনিয়ে অষ্টমবাৰৰ পৰীক্ষাৰ বাবে ৰৈ আছে। তেওঁ আশা কৰিছে অষ্টমবাৰত তেওঁ ৰিজাল্ট নিগেটিভ আহিব আৰু ঘৰলৈ যাব পাৰিব।
