দেশত কোভিডৰ দ্বিতীয় ঢৌৱে সংহাৰৰ সৃষ্টি কৰাৰ সময়তে চৰকাৰে সকলো ৰাজ্যতে কোভিডক ৰুধিবলৈ ব্যাপক মাত্ৰাত ভেকচিন প্ৰদানৰ কাম আৰম্ভ কৰিছে।
এনে সময়তে ভেকচিনৰ প্ৰতি থকা অহৈতুক ভীতিৰ বাবেই বহুতে ভেকচিন গ্ৰহণ কৰিবলৈ ইচ্ছা প্ৰকাশ কৰা নাই।
দেশৰ জনতাক কোভিড ভেকচিন গ্ৰহণৰ প্ৰতি আগ্ৰহী কৰি তোলাৰ লক্ষ্যৰে দেশৰ এটা ৰাষ্ট্ৰীয়কৃত বেংকে এক বিশেষ পদক্ষেপ গ্ৰহণ কৰিছে।
সেইমৰ্মে কোভিড ভেকচিন গ্ৰহণ কৰা গ্ৰাহকসকলক চেণ্ট্ৰেল বেংক অৱ ইণ্ডিয়াই ফিক্সড ডিপোজিটত অধিক হাৰত সুদ প্ৰদানৰ সিদ্ধান্ত লৈছে।
To encourage Vaccination under COVID 19, Central Bank of India launches Special Deposit Product “Immune India Deposit Scheme” for 1111 days at an attractive extra Interest rate of 25 basis points above the applicable card rate for Citizens who got Vaccinated.#Unite2FightCorona pic.twitter.com/MKEJaHgMpE
— Central Bank of India (@centralbank_in) April 12, 2021
বেংকটোৱে ইমিউন ইণ্ডিয়া ডিপোজিট স্কীম নামৰ এক ১১১১ দিনীয়া বিশেষ ফিক্সড ডিপোজিট আঁচনি গ্ৰহণ কৰিছে।
এই আঁচনিত ধন জমা থোৱা সকলে অতিৰিক্ত ২৫ বেছিচ পয়েণ্ট সুদ লাভ কৰিব।
একেদৰে ভেকচিন গ্ৰহণ কৰা জ্যেষ্ঠ নাগৰিকসকলেও তেওঁলোকৰ ফিক্সড ডিপোজিটৰ ওপৰত ০.৫০ শতাংশ অতিৰিক্ত সুদ লাভ কৰিব বুলি বেংকটোৰ তৰফৰ পৰা প্ৰকাশ কৰা হৈছে।
উল্লেখ্য ভেকচিন গ্ৰহণৰ বাবে মানুহক আগ্ৰহী কৰি তুলিবলৈ বিভিন্ন ৰাজ্যত নানান আকৰ্ষণীয় ব্যৱস্থা গ্ৰহণ কৰা হৈছে।
ক’ৰ’ৱাত ভেকচিন গ্ৰহণ কৰা মহিলা-যুৱতীক সোণৰ নাকফুলি আৰু পুৰুষক হেণ্ড গ্ৰাইণ্ডাৰ দিয়াৰ ব্যৱস্থা কৰা হৈছে।
