কোকৰাঝাৰৰ উল্টাপানী দুগৰাকীকৈ ইউএলবি সদস্য আৰক্ষৰে হোৱা এনকাউণ্টাৰত নিহত হোৱাক লৈ বিতৰ্ক অব্যাহত থকাৰ সময়তে ইউএলবিৰ তিনিজন সদস্যক আটক কৰিবলৈ সক্ষম হৈছে আৰক্ষীয়ে।
কোকৰাঝাৰ জিলাৰ অতিৰিক্ত আৰক্ষী অধীক্ষক সুৰজিৎ সিং পানেছাৰে সদৰী কৰা মতে কালি সন্ধিয়া এক বিশেষ অভিযানৰ জৰিয়তে প্ৰথমে টিপকাই বগৰীবাৰীৰ দৈদুন ব্ৰহ্মৰ লগতে আন দুজনক আটক কৰে ।
দৈদুন ব্ৰহ্মক আটক কৰাৰ লগতে তেওঁৰ ঘৰৰ পৰা এযোৰ কেমোফ্লেজ পোছাক উদ্ধাৰ কৰা হয় । সোধপোছৰ অন্তত দৈদুন ব্ৰহ্মই সকলো কথা স্বীকাৰ কৰে আৰু ইউএলবিৰ ভাবুকিপূৰ্ণ ভাইৰেল ভিডিঅ’টো ৰঙিয়া আৰু বাকছাৰ সীমান্তবৰ্তী পাথৰকুৱেৰীত গ্ৰহণ কৰা হৈছিল বুলি স্বীকাৰ কৰে ।
ইউএলবিৰ মুখ্য সেনাধ্যক্ষ প্ৰিনজিত বসুমতাৰীৰ ঘৰ গোসাঁইগাঁৱত আৰু তেওঁৰ বিৰুদ্ধে হত্যা, অপহৰণকে ধৰি দহটামান গোচৰ ৰজু হৈ আছে বুলি সদৰী কৰিছে সুৰজিৎ সিং পানেছাৰে ।
ভিডিঅ’টো গ্ৰহণ কৰাৰ সময়ত চিএনচি প্ৰিনজিৎ বসুমতাৰী , দুব্ৰি ব্ৰহ্ম , ফুংখা ব্ৰহ্ম , দৈদুন ব্ৰহ্ম , সুদেম ব্ৰহ্ম আদি সদস্যসকল আছিল আৰু তেওঁলোকক কৰায়ত্ব কৰিবলৈ অভিযান অব্যাহত আছে বুলি সদৰী কৰিছে কোকৰাঝাৰ জিলাৰ অতিৰিক্ত আৰক্ষী অধীক্ষক সুৰজিৎ সিং পানেছাৰে ।
সৰ্বমুঠ ১৪ জন ইউএলবিৰ কেডাৰ চিনাক্ত কৰা হৈছে আৰু সকলোকে কৰায়ত্ব কৰা হব বুলি মন্তব্য কৰি গ্ৰেপ্তাৰ হোৱা আনন্দ নাৰ্জাৰী ওৰফে আব্ৰা , সাজাৰাম ব্ৰহ্ম ওৰফে ৰমাই আৰু দৈদুন ব্ৰহ্মক অধিক তথ্যৰ বাবে সোধপোছ অব্যাহত আছে বুলি সদৰী কৰিছে কোকৰাঝাৰ জিলাৰ অতিৰিক্ত আৰক্ষী অধীক্ষকগৰাকীয়ে।