সোনাপুৰত ৰখাই থোৱা ট্ৰাকত তীব্ৰবেগী মাৰুতিৰ খুন্দা; ভয়ংকৰ দুৰ্ঘটনাত থিতাতে নিহত ৩জন
Three dead as speeding car rams into a parked truck গুৱাহাটীৰ সমীপৰ সোনাপুৰ অঞ্চলত সংঘটিত এক ভয়ংকৰ পথ দুৰ্ঘটনাত কমেও তিনিজন লোক নিহত হৈছে।
শুকুৰবাৰে পুৱতি নিশা গুৱাহাটীৰ উপকণ্ঠৰ সোনাপুৰ অঞ্চলৰ নাজিৰাখাটত এই দুৰ্ঘটনাটো সংঘটিত হয়। শুকুৰবাৰে পুৱতি নিশা প্ৰায় ২ বজাত দুৰ্ঘটনাটো সংঘটিত হয়।
লগতে পঢ়ক: বিদ্যালয়ৰ ৱাশ্বৰূমত ১১ বছৰীয়া ছাত্ৰীক দলবদ্ধ ধৰ্ষণ; উচ্চ শ্ৰেণীৰ দুই ছাত্ৰৰ বিৰুদ্ধে অভিযোগ
সোনাপুৰ অঞ্চলৰ নাজিৰাখাটত ৩৭ নং ৰাষ্ট্ৰীয় ঘাইপথত ৰখাই থোৱা এখন ট্ৰাকত এখন তীব্ৰবেগী মাৰুতি গাড়ীয়ে খুন্দা মৰাৰ ফলতে এই দুৰ্ঘটনাটো সংঘটিত হয়।
এ এছ ০১ বিএইচ ৯৭১৪ নম্বৰৰ পঞ্জীয়ন নম্বৰ থকা মাৰুতি ছুইফ্ট ডিজায়াৰ গাড়ীখনে দুৰ্ঘটনাটো সংঘটিত হোৱাৰ সময়ত নগাঁৱৰ পৰা গুৱাহাটীলৈ যাত্ৰা কৰিছিল।
গাড়ীখনত যাত্ৰা কৰা তিনিওজন ব্যক্তিৰ ঘটনাস্থলীতে মৃত্যু হয়।
লগতে পঢ়ক: Facebook Crisis: সংকটত ফেচবুক! ১২ হাজাৰ কৰ্মচাৰীয়ে হেৰুৱাব পাৰে চাকৰি!
মৃত ব্যক্তিকেইজনৰ নাম বাবন হালৈ, গৌতম বনিক আৰু সুবুল দাস।
বাবন হালৈ আৰু গৌতম বনিক গুৱাহাটীৰ বাসিন্দা হোৱাৰ বিপৰীতে সুবুল দাস নগাঁৱৰ বাসিন্দা আছিল।