Facebook employees may lose jobs এক কঠিন পৰিস্থিতিৰ সন্মুখীন হৈছে ফেচবুকৰ কৰ্মচাৰীসকল। ২০০৪ চনত সামাজিক মাধ্যম ব্যৱসায় আৰম্ভ কৰাৰ পিছৰে পৰা মাৰ্ক জুকাৰবাৰ্গৰ কোম্পানীটো ইমান ডাঙৰ সংকটৰ সন্মুখীন হোৱা নাছিল।
সংবাদ মাধ্যমৰ বাতৰি অনুসৰি, কমেও ১৪ লাখ লোকে ফেচবুক এৰিছে। তাৰেই পৰিণতি ভূগিবলৈ আগবাঢ়িছে এইবাৰ ফেচবুকৰ কৰ্মচাৰীসকলে। জানিব পৰা মতে ফেচবুকে কমেও ১২ হাজাৰ কৰ্মচাৰী কৰ্তন কৰিবলৈ আগবাঢ়িছে।
এবছৰ পূৰ্বে মাৰ্ক জুকাৰবাৰ্গে ঘোষণা কৰিছিল যে মেটাভাৰ্চ প্ৰস্তুত কৰিবলৈ ১০ হাজাৰ লোকক নিযুক্তি দিয়া হ’ব। ইয়াৰ বিপৰীতে মেটাৰ কৰ্মচাৰীৰ সংখ্যা হ্ৰাস কৰা হৈছে। আনকি এসপ্তাহত ইয়াৰ ১৫ শতাংশ কৰ্মচাৰীক ছাঁটাই কৰাৰ অভিযোগ উত্থাপিত হৈছে ফেচবুকৰ ওপৰত।
শেহতীয়াকৈ মাৰ্ক জুকাৰবাৰ্গে তেওঁৰ সম্পত্তিৰ আধাখিনি হেৰুৱাইছিল। তেওঁ এতিয়া ফৰ্বছৰ আটাইতকৈ ধনী ব্যক্তিৰ তালিকাত ২২ নম্বৰত আছে। তেতিয়াৰ পৰা ফেচবুকে ব্যয় হ্ৰাস কৰিবলৈ চেষ্টা কৰি আছে।
ফেচবুকে ব্যৱহাৰকাৰীৰ তথ্য ফাদিল কৰাকে ধৰি একাধিক কাৰণত ৬ নিযুত ডলাৰ জৰিমনা পৰিশোধ কৰিব লগা হৈছিল। ইয়াৰ লগতে কোম্পানীটোৰ গ্ৰহণযোগ্যতাও হ্ৰাস পায়।
লগতে পঢ়ক: জেনিফাৰ লোপেজ বা ছাকিৰা নহয়, এইবাৰ কাটাৰ বিশ্বকাপত বলীউদৰ চাঞ্চল্য নোৰা ফাতেহী
ইপিনে, টিকটকৰ দ্বাৰা ইনষ্টাগ্ৰাম ক্ষতিগ্ৰস্ত হৈছে। ফেচবুকে আনকি কিছুমান ফিচাৰ প্ৰত্যাহাৰ কৰিবলৈ বাধ্য হৈছে। ফেচবুকে প্ৰায় ১০ বিলিয়ন ডলাৰৰ বিজ্ঞাপনো হেৰুৱাব পাৰে।
ছ’চিয়েল মিডিয়া জায়েন্টৰ সূত্ৰ অনুসৰি, কোম্পানীৰ প্ৰদৰ্শনৰ ওপৰত নিৰ্ভৰ কৰি বছৰটোৰ শেষত ১৫ শতাংশ কৰ্মচাৰীক যাবলৈ দিয়া হ’ব পাৰে।
লগতে পঢ়ক:চৰিত্ৰ ঘুৰি আহিল সাংবাদিকৰ! প্ৰতিবাদৰ চাপত চৰকাৰে প্ৰত্যাহাৰ কৰিলে নিৰ্দেশনা
কোম্পানীটোৰ কৰ্মচাৰীসকলৰ সৈতে শেহতীয়া বৈঠকত জুকাৰবাৰ্গে মন্তব্য কৰিছে, “মই আশা কৰিছিলো যে বিত্তীয় পৰিস্থিতি অলপ সুস্থিৰ হ’ব। কিন্তু তেনে কোনো লক্ষণ দেখা যোৱা নাই। গতিকে আমি কিছু পৰিকল্পনা কৰিব লাগিব।‘’ জুকাৰবাৰ্কৰ এই মন্তব্যতো কোনো কঠোৰ পদক্ষেপৰ ইংগিত বিচাৰি পাইছিল বাণিজ্যিক বিশেষজ্ঞ মহলে।
