Nora Fatehi to perform at FIFA World Cup এইবাৰ কাটাৰত ফিফা বিশ্বকাপত নিজৰ ৰূপৰ যাদুৰে ফুটবলপ্ৰেমীক সন্মোহিত কৰিব বলীউডৰ বৰ্তমান চাঞ্চল্য নোৰা ফাতেহীয়ে।
বাতৰি অনুসৰি, অহা ডিচেম্বৰত অনুষ্ঠিত হ’বলগীয়া ফিফা বিশ্বকাপত নোৰা ফাতেহীয়ে ভাৰতক প্ৰতিনিধিত্ব কৰিব।
ইয়াৰ পূৰ্বে ফিফাৰ অনুষ্ঠানত জেনিফাৰ লোপেজ, শাকিৰা আৰু পিটবুলৰ দৰে তাৰকাসকলে প্ৰদৰ্শন দাঙি ধৰিছে।
নি:সন্দেহে এইটো নোৰাৰ বাবে এক ডাঙৰ সাফল্য হ’ব। সেয়াই নহয়, নোৰা ফাতেহী ফিফাৰ এন্থেম বা শীৰ্ষ সংগীততো থাকিব। গানটোৰ ভিডিঅ’ত নৃত্য কৰাৰ উপৰিও নৃত্যশিল্পীগৰাকীয়ে কণ্ঠও মিলাব।
গানটো প্ৰযোজনা কৰিছে ‘ৰেডওৱান’-য়ে; যিয়ে আগতে ফিফাৰ বাবে গোৱা ছাকিৰাৰ ‘ৱাকা ৱাকা’ আৰু ‘লা লা লা’ গানবোৰ প্ৰযোজনা কৰিছিল।
নতুন গানটোৰ অন্তিম অংশত নোৰাক হিন্দীত গাই থকা শুনা যাব।
