অৰুণাচল প্ৰদেশৰ সীমান্তৱৰ্তী মাৰ্ঘেৰিটা মহকুমাৰ চাংলাং তিনিআলি, লিডু বৰগোলাই আদি বিভিন্ন অঞ্চলত ব্ৰাউন চুগাৰকে ধৰি বিভিন্ন নিষিদ্ধ নিচাজাতীয় সামগ্ৰীৰ ব্যৱসায় দুষ্ট চক্ৰই চলাই অহাৰ অভিযোগ উত্থাপন হৈ আহিছে।
ৰাইজৰ অভিযোগৰ ভিত্তিতে আজি সন্ধিয়া লিডু আৰক্ষী চকীৰ ভাৰপ্ৰান্ত বিষয়া উত্তম তামাঙৰ নেতৃত্বত এটি আৰক্ষী দলে লিডু বজাৰৰ এখন ইলেক্টনিক ব্যৱসায়িক প্ৰতিষ্ঠানত অভিযান চলাই ৩৮ দশমিক ৯০০ মিলিগ্ৰাম ওজনৰ ব্ৰাউন চুগাৰ জব্দ কৰে।
জব্দ কৰা ব্ৰাউন চুগাৰ খিনিৰ মূল্য প্ৰায় দুই লাখ টকাৰ অধিক হ’ব বুলি জানিব পৰা গৈছে।
ব্ৰাউন চুগাৰ খিনিৰ সৈতে লিডু বাজাৰ বস্তিৰ সুভম ৰয়, কালে সোণা আচাৰ্যী আৰু মাৰ্ঘেৰিটা তিনি আলিৰ দিপক মণ্ডলক আৰক্ষীয়ে গ্ৰেপ্তাৰ কৰে।
বিগত বহু দিনৰ পৰাই যুৱক তিনিজনে নিষিদ্ধ ড্ৰাগছ ব্যৱসায়ৰ সৈতে জড়িত আছিল বুলি আৰক্ষীৰ সূত্ৰত প্ৰকাশ পায়।
প্ৰাপ্ত তথ্য অনুসৰি, অসমৰ চুবুৰীয়া ৰাজ্য অৰুণাচল প্ৰদেশৰ বৰডুমচাৰ পৰা ব্ৰাউন চুগাৰ সৰবৰাহ কৰি তিনিচুকীয়া জিলাৰ মাৰ্ঘেৰিটা মহকুমাৰ অন্তৰ্গত লিডুৰ টিৰাপ কলিয়ৰী, মোলাং, ঝৰ্ণা বস্তী, চিপে গাঁও, শামুকজান, ৰড গাঁও, বাৰ্মা কেম্প আদি অঞ্চলত দীৰ্ঘদিন ধৰি ড্ৰাগছৰ যোগান ধৰি ৰমৰমীয়া বেহা চলাই আহিছিল লোক তিনিজনে।
অনহাতে, আজি গ্ৰেপ্তাৰ হোৱা ধৃত সুভম ৰয় নিজকে তীৰ মাফিয়া ( জুৱা খেল) বুলিও আৰক্ষীৰ আগত স্বীকাৰ কৰে।