মৰিয়নীত হোম কোৱাৰেন্টাইনত থকা তিনিজনকৈ ব্যক্তিৰ দেহত কোভিড ১৯ পজিটিভ

যোৰহাট জিলাৰ মৰিয়নীৰ তিনিজনকৈ ব্যক্তিৰ দেহত কোভিড ১৯ ধৰা পৰাক লৈ মৰিয়নীত তীব্ৰ চাঞ্চল্যৰ সৃষ্টি হৈছে।

মৰিয়নী ২নং ৱাৰ্ডৰ গান্ধী নগৰৰ এজন আৰু উদয়পুৰৰ ২ জন ব্যক্তিৰ দেহত শেহতীয়াকৈ ধৰা পৰিছে কোভিদ ১৯ পজিটিভ।

ইয়াৰে দুজন ব্যক্তি কিছুদিন পূৰ্বে দিল্লীৰ পৰা আহি হোম কোৱাৰেন্টাইনত আছিল{

আনহাতেদি আন এগৰাকী যোৱা ২৮ জুনত গুৱাহাটীৰ পৰা আহি হোম  কোৱাৰেন্টাইনত আছিল।

ইতিমধ্যে স্বাস্থ্য বিভাগে তিনিও জনকে যোৰহাট অসামৰিক চিকিৎসা মহাবিদ্যালয়লৈ প্ৰেৰণ কৰিছে।

উল্লেখযোগ্য যে, হোম কোৱাৰেণ্টাইনত থকা এগৰাকী ব্যক্তিৰ পিতৃয়ে মৰিয়নী নগৰৰ ভাৰতীয় ষ্টেট বেংক কমপ্লেক্সত থকা ব্যৱসায়িক প্ৰতিষ্ঠান খুলি ৰাখিছিল বুলি জানিব পৰা গৈছে{

ইয়াক লৈ এতিয়া মৰিয়নীত এক চাঞ্চল্যৰ সৃষ্টি হৈছে।