যোৱা নিশা মণিপুৰৰ ৰাজধানী ইম্ফলৰ উপকণ্ঠত সংঘটিত এটা পথ দুৰ্ঘটনাত ৩ জন নিহত হোৱাৰ লগতে ১জন লোক আহত হৈছে বুলি জানিব পৰা গৈছে।
ইম্ফলৰ পৰা আহি থকা MN05J 0669 নম্বৰপ্লেট যুক্ত ছেণ্ট্ৰ কাৰখনে চিমেণ্ট কঢ়িয়াই অনা MN05C 5191 নম্বৰত পঞ্জীয়নভুক্ত ট্ৰাকখনৰ সৈতে খুন্দা মৰাৰ ফলত এই দুৰ্ঘটনাটো সংঘটিত হয়। নিশা প্ৰায় ১০-৩০ বজাত ইম্ফলৰ পৰা কিছু দূৰত থকা চাংগাংগেই মাখা লেইকাই এলেকাত দুৰ্ঘটনাটো সংঘটিত হৈছে।
এই দুৰ্ঘটনাটোত ৩ জন পুৰুষ নিহত হয় আৰু আহত লোকজনক জনক আৰআইএমএছ হস্পিটাললৈ স্তানান্তৰিত কৰি চিকিৎসা সেৱা আগবঢ়োৱা হয়।
মৃত কেইজনক চাংগাংগেই উচেকনৰ বাসিন্দা থোচম প্ৰেমজিত (২৯), কাংগাবাম ববি (২৩) আৰু আনজন মায়াং ইম্ফলৰ এছ ৰাকেশ (৩০) বুলি চিনাক্ত কৰা হৈছে। আহতজনক বিষ্ণুপুৰৰ ৱা্ড নং ১ৰ বাসিন্দা লাইশ্ৰাম ছান্তোছ (২৭) বুলি চিনাক্ত কৰা হৈছে। লামফেলৰ আৰক্ষী থানাই দুৰ্ঘটনা সন্দৰ্ভত এটা গোচৰ পঞ্জীয়ন কৰিছে।
