কেলিফৰ্ণিয়া ইনষ্টিটিউট অৱ টেকন’লজীৰ অধ্যাপক জন ফ্ৰান্সিছ ক্লাউচাৰ, পেৰিছৰ ইকোল পলিটেকনিকৰ অধ্যাপক এলান এস্পেক্ট আৰু ভিয়েনা বিশ্ববিদ্যালয়ৰ বিজ্ঞানী এণ্টন জাইলিংগাৰে লাভ কৰিছে এইবছৰৰ পদাৰ্থ বিজ্ঞানৰ ন’বেল বঁটা।
কোৱাণ্টাম বলবিজ্ঞানৰ বিষয়ত চলোৱা সুদূৰ প্ৰসাৰী গৱেষণাৰ বাবে বিজ্ঞানী তিনিগৰাকীলৈ ন’বেল বঁটা প্ৰদান কৰা হৈছে।তেওঁলোক তিনিওজনে ১০ নিযুত চুইডিছ ক্ৰ’নাৰৰ (প্ৰায় এক নিযুত ডলাৰ) পুৰস্কাৰ সমানে ভগাই ।সহজ ভাষাত ক’বলৈ গ’লে, তেওঁলোক কোৱাণ্টাম বলবিজ্ঞানক এক নতু মাত্ৰা প্ৰদান কৰিবলৈ সক্ষম হৈছে । তেওঁলোকে ‘কোণযুক্ত কণা’ৰ সৈতে কাম দীৰ্ঘদিন ধৰি গৱেষণা অব্যাহত ৰাখিছিল। কেনেবাকৈ দুটা কণাৰ সংঘৰ্ষ হ’লে এটাৰ আনটোৰ পৰা আঁতৰি যায়। কিন্তু সেই দুটা কণাই সময়ত এটা পিণ্ড হিচাপেও কাম কৰিব পাৰে। অৰ্থাৎ সেইবোৰৰ ধৰ্ম যিয়েই নহওঁক, সময়ত অটোৱে সিটোৰ ধৰ্মৰ ঠিক বিপৰীত হ’ব।
১৯৩৫ চনত আমেৰিকা যুক্তৰাষ্ট্ৰৰ প্ৰিন্সটন বিশ্ববিদ্যালয়ৰ ইনষ্টিটিউট অৱ এডভান্সড ষ্টাডিজত গৱেষণা কৰি থকাৰ আইনষ্টাইনেও একেধৰণৰ কথাই লক্ষ্য কৰিছিল। সময়ত তেওঁ দ্য ফাইনেন্সিয়েল ৰিভিউ আলোচনীত বৰিছ পোডলস্কি আৰু নাথান ৰোজেনৰ সৈতে এখন থেচিছ লিখিছিল।কণাৰ ধৰ্মৰ পৰিৱৰ্তনক বহু বিজ্ঞানীয়ে হিডেন ভেৰিয়েবল থিয়ৰী বুলিও কৈ আহিছে।
১৯৭২ চনত ক্লাউচাৰ তেতিয়া এজন ৩০ বছৰীয়া গৱেষক আছিল। তেতিয়া তেওঁ প্ৰথমে বলৰ বৈষম্য প্ৰমাণ কৰিছিল – অৰ্থাৎ কোৱাণ্টাম বলবিজ্ঞান- সঁচা প্ৰমাণিত হৈছিল। তাৰ পিছত ১৯৮২ চনত ক্লাউচাৰৰ পৰীক্ষাত কিছুমান ত্ৰুটি আৰু বিচ্যুতি ধৰা পৰিছিল।
নবেল পদাৰ্থ বিজ্ঞান সমিতিৰ অধ্যক্ষ এণ্ডাৰ্ছ আৰ্বেকে এখন সংবাদমেলত তিনিওজন বিজয়ী বিজ্ঞানীৰ কথা ঘোষণা কৰে। তেওঁ লগতে কয় ’কোৱাণ্টাম বলবিজ্ঞান আচহুৱা যেন লাগিলেও ইয়াৰ যথেষ্ট ব্যৱহাৰিক প্ৰয়োগ আছে। কোৱাণ্টাম বলবিজ্ঞান এতিয়া এক সম্পূৰ্ণ প্ৰযুক্তি’।
