ডিব্ৰুগড় জিলাৰ নামৰূপত সেনাৰ ২৪৪ ফিল্ড ৰেজিমেন্টে এক অভিযান চলাই আলফা স্বাধীনৰ তিনিগৰাকী কেডাৰক আটক কৰে।
আটকাধীন কেডাৰ কেইগৰাকীক ৰাণ্টু সোণোৱাল উৰফে মাইনা, বিদ্যুৎ চিৰিঙিয়া ওৰফে মাইনা আৰু জিশ্বু বৰা বুলি চিনাক্ত কৰা হৈছে।
সেনাই পিছত ধৃত আলফা কেডাৰ কেইগৰাকীক নামৰূপ আৰক্ষী থানাত গতাই দিয়ে। তেওঁলোকৰ কবলৰ পৰা এটা .২২ পিষ্টল, দুটা শক্ৰিয় গুলী, এটা মেগাজিন, দুখন আলফা পতাকা আৰু তিনিটা মোবাইল হেণ্ডছেট উদ্ধাৰ কৰা হয় সেনাৰ সূত্ৰত প্ৰকাশ।
ধৃত কেডাৰ কেইগৰাকীৰ বিৰুদ্ধে নামৰূপ আৰক্ষী থানাত ভাৰতীয় দণ্ডবিধিৰ ১২০(বি)/১২১/১২২/৩৮৪/৩৮৭ ধাৰা, অস্ত্ৰ-শস্ত্ৰ আইনৰ ২৫(আই)(এ) ধাৰা আৰু ইউ এ (পি) আইনৰ ১০/১৩ ধাৰাৰ অধীনত ১৫৯/২০১৯ নম্বৰৰ এক গোচৰ ৰুজু কৰা হয়।