নতুন স্মাৰ্টফোন নাপালে নকৰায় বিয়া! যুৱকৰ এনে চৰ্তৰ পাছত কি ঘটিল চাওক

বিয়াৰ বাবে বহুতেই বহুত চৰ্ত ৰখাৰ কথা নিশ্চয় শুনিছে। বহুতেই ঘৰ-মাটি হোৱাৰ পাছতহে বিয়া কৰোৱাৰ চৰ্ত ৰাখে। কোনোৱে আকৌ নিজৰ পছন্দৰ চাকৰি এটা নোপোৱালৈকে বিয়া নপতাৰ জেদ পাতি বহি থাকে।

কিন্তু নতুন স্মাৰ্টফোন নাপালে বিয়া নপতাৰ চৰ্ত ৰখাৰ কথা শুনি আপুনি হয়তো আচৰিত হ’বই। পিচে, আচৰিত যেন লাগিলেও এয়াই সত্য।

এনে এক কাণ্ডই কৰিছে উত্তৰ প্ৰদেশৰ এজন যুৱকে। ইয়াৰ বাবে মোবাইল নিৰ্মামকাৰী কোম্পানীৰ পৰা নতুন স্মাৰ্টফোনো লাভ কৰিলে যুৱকে।

এই গোটেই ঘটনাটোৱে ছচিয়েল মিডিয়াত ব্যাপক চৰ্চা লাভ কৰিছে।

ঘটনা অনুসৰি, উত্তৰ প্ৰদেশৰ বাসিন্দা কামাল আহমেদ নামৰ যুৱকজনে টুইট কৰি কয় যে যেতিয়ালৈকে তেওঁ সম্প্ৰতি বজাৰলৈ অহা Mi 10T Pro এটা নাপায়, তেতিয়ালৈকে তেওঁ বিয়া নকৰায়।

কামালৰ এই কাহিনী ইয়াতেই শেষ নহয়। সঁচাকৈয়ে ‘কামাল’ কৰা ঘটনা ঘটিল। তেওঁ সেই ফোনটো উপহাৰো পালে। সেইটো তেওঁক পঠিয়াই দিলে চীনৰ ফোন নিৰ্মাণকাৰী সংস্থা সিঅ’মিৰ (Xiaomi) ভাইচ প্ৰেছিডেন্ট তথা মেনেজিং ডিৰেক্টৰ মানু কুমাৰ জৈনে।

haha! I think you are now ready to get married 😂😂

On a serious note, #Mi10TPro is probably the best flagship phone in India right now. I hope you like it. 🙏 Please do try out the #108MP camera and share your feedback with us.

I ❤️ #Mi #Mi10 #Mi10T https://t.co/fsrOsQfVZP pic.twitter.com/mKVvZw9SH6

— Manu Kumar Jain (@manukumarjain) December 21, 2020

স্মাৰ্টফোন লাভ কৰি কামাল আচৰিত হৈ পৰে। তেওঁ টুইট কৰি জনালে,’’বিয়াৰ বাবে এইবাৰ তেওঁ সাজু।‘’

এই সমগ্ৰ ঘটনালানি ছচিয়েল মিডিয়াত ভাইৰেল হৈ পৰে। বহুতেই ইয়াক লৈ সৰস মন্তব্যও কৰা দেখা যায়।