দেশৰ বিভিন্ন ৰাজ্যত এতিয়া শিল্পী, অভিনেতা অভিনেত্ৰীয়ে ৰাজনৈতিক দলত যোগদান কৰাৰ ধুম উঠিছে।
এই ক্ষেত্ৰত পিচ পৰি ৰোৱা নাই অসম, পশ্চিমবংগকে ধৰি আন বহু ৰাজ্যৰ শিল্পী, অভিনেতা অভিনেত্ৰীয়সকলো।
এনে পৰিস্থিতিৰ মাজতে টলিউডৰ জনপ্ৰিয় অভিনেতা অংকুশ হাজাৰাই এই বুলি কৈছে যে জনপ্ৰিয়তা লাভৰ বাবে বা মানুহৰ সেৱা কৰিবলৈ ৰাজনীতিত যোগদান কৰাটো প্ৰয়োজনীয় কথা নহয়।
ৰাজনীতিত যোগদান নকৰা কৈয়ো শিল্পী, অভিনেতা অভিনেত্ৰীয়ে মানুহৰ কাষত থাকিব পাৰে।
অভিনেতাগৰাকীয়ে এই প্ৰসংগতে বলিউডৰ অভিনেতা ছনু সুদৰ কথা উল্লেখ কৰি কয় যে ছনু সুদে বিপদৰ সময়ত দেৱদূতৰ দৰে ভূমিকা গ্ৰহণ কৰি দুৰ্গত লোকসকলক সহায় কৰিছে।
U dont need to join politics to work for the people.. The biggest example..wat u need is a selfless and a brave heart..kabhi bhaasan nehi dia kabhi logon ko koi promise nehi kia..bas khud se ek promise kia tha jo kar ke dikhaya.. @SonuSood salute to u. country needs people like u https://t.co/CURrjfKCdg
— Ankush (@AnkushLoveUAll) March 20, 2021
তেওঁৰ এই মহানুভৱতাক সন্মান জনাই স্পাইছ জেটৰ দৰে বিমান পৰিবহন সংস্থাই এখন বিমান ছনু সুদৰ ছবি অংকন কৰাৰ বিষয়ত মন্তব্য প্ৰকাশ কৰি অংকুশে কয় যে শিল্পী, অভিনেতা অভিনেত্ৰী এগৰাকীৰ বাবে ইয়াতকৈ হয়তো আন স্বীকৃতি একো নালাগে।
বিপদৰ সময়ত কিদৰে মানুহৰ কাষত থিয় দিব লাগে সেয়া ছনু সুদে দেখুৱাই দিছে বুলিও অংকুশে কয়।
ছনু সুদক অভিনন্দন জনাই অভিনেতা অংকুশে টুইটাৰত লিখিছে—‘মানুহৰ বাবে কাম কৰিবলৈ আপুনি ৰাজনীতিলৈ অহাৰ দৰকাৰ নাই…ইয়াৰ বাবে আটাইতকৈ ডাঙৰ উদাহৰণ…যিটো দৰকাৰ সেয়া হ’ল এখন নিঃস্বাৰ্থ আৰু সাহসী হৃদয়ৰ।কেতিয়াও ভাষণ দিয়া নাই, কেতিয়াও প্ৰতিশ্ৰুতি দিয়া নাই, মাত্ৰ নিজকে এটা কথা দিছিল আৰু সেয়া কৰিও দেখুৱাইছে। ছনু সুদক অভিনন্দন জনাইছো। এই খন দেশত আপোনাৰ দৰে মানুহৰ প্ৰয়োজন আছে’।
