মহানগৰীৰ সমীপৰ যোৰাবাটৰ ঘনশ্যাম বস্তিত সোমবাৰে নিশা এখন ট্ৰাকে খুন্দিওৱাৰ ফলত এজন লোক নিহয় হয়।
মৃত লোকজনক এতিয়াও চিনাক্ত কৰিব পৰা হোৱা নাই।
স্থানীয় লোকে কয় যে সোনাপুৰৰ পিনে গৈ থকা এখন ট্ৰাকে স্কুটাৰ এখনত খুন্দিওৱাৰ ফলত স্কুটাৰত অহা লোকজন নিহত হয়।
ট্ৰাকখনে কাষৰ পৰা স্কুটাৰখনক খুন্দিয়াইছিল নে স্কুটাৰখন ভুল দিশেৰ পৰা আহিছিল সেই কথা স্পষ্ট হোৱা নাই।
লগতে পঢ়ক: হৃদৰোগত আক্ৰান্ত হৈ পৰলোকপ্ৰাপ্তি মহাভাৰতৰ ‘ভীম’ প্ৰবীণ কুমাৰ ছবতিৰ
মৃত লোকজনক চিনাক্ত কৰিব পৰা হোৱা নাই যদিও স্কুটাৰ অমৃত তেলেংগাৰ নামত পঞ্জীয়ন কৰা আছে।
আনহাতে, দুৰ্ঘটনা সংঘটিত কৰা AS01MC0995 নম্বৰ ট্ৰাকখনৰ চালকজন দুৰ্ঘটনা সংঘটিত কৰিয়েই ঘটনাস্থলীৰ পৰা পলায়ন কৰে।
আৰক্ষীয়ে ট্ৰাকখন জব্দ কৰাৰ লগতে ঘটনাৰ তদন্ত আৰম্ভ কৰিছে।
