জি-৭ সন্মিলনত আকৌ মুখামুখি হ’ল মোদী আৰু মেলনী : এইবাৰ কি উপহাৰ দিলে নৰেন্দ্ৰ মোদীয়ে?
জি-৭ সন্মিলনৰ পৰা মঙলবাৰে কেইখনমান বিশেষ ছবি ছচিয়েল মিডিয়াত শ্বেয়াৰ কৰিছে প্ৰধানমন্ত্ৰী নৰেন্দ্ৰ মোদীয়ে। ফ্ৰান্সত অনুষ্ঠিত হোৱা এই বৈঠকত তেওঁক আমেৰিকাৰ ৰাষ্ট্ৰপতি ডোনাল্ড ট্ৰাম্প, ফ্ৰান্সৰ ৰাষ্ট্ৰপতি ইমানুৱেল মেক্ৰন আৰু ইটালীৰ প্ৰধানমন্ত্ৰী জৰ্জিয়া মেলোনীৰ কাষত থিয় হৈ ফটো উঠা দেখা গৈছে।
এই ছবিবোৰৰ কেপচনত প্ৰধানমন্ত্ৰীগৰাকীয়ে লিখিছে যে জি-৭ সন্মিলনত বাকী বিশ্বনেতাসকলৰ সৈতে তেওঁলোকে একগোট হৈছে। দেশসমূহৰ সমৃদ্ধি, সুস্থিৰতা আৰু মানুহৰ কল্যাণৰ বাবে তেওঁলোকে একেলগে একগোট হৈ কাম কৰি যাব বুলিও তেওঁ তাত উল্লেখ কৰে।
বৈঠকৰ মাজতে ডোনাল্ড ট্ৰাম্পৰ সৈতেও প্ৰধানমন্ত্ৰী মোদীক খোচগল্পত মগ্ন থকা দেখা গৈছে। বৰ্তমান ভাৰত আৰু আমেৰিকাৰ মাজত এটা বাণিজ্য চুক্তিক লৈ আলোচনা চলি আছে। এনে পৰিপ্ৰেক্ষিতত দুই নেতাৰ এই সাক্ষাৎকাৰক বিশেষজ্ঞসকলে অতি গুৰুত্বপূৰ্ণ বুলি গণ্য কৰিছে।
মেজ ঘূৰণীয়া বৈঠকত দুই নেতাক হাত মিলাই থকা আৰু ইজনে সিজনৰ কাষতে বহি থকা দেখা গৈছে। ইয়াৰ পূৰ্বে বিগত ২০২৫ বৰ্ষৰ ফেব্ৰুৱাৰী মাহত ৱাশ্বিংটনত তেওঁলোকৰ শেষবাৰৰ বাবে দেখা-দেখি হৈছিল।
মঙলবাৰৰ এই বৈঠকখনৰ পিছত আন এক গুৰুত্বপূৰ্ণ পটভূমিও আছে। ঠিক এক বছৰ পূৰ্বে অৰ্থাৎ ২০২৫ চনৰ মে’ মাহত অপাৰেচন সিন্দূৰক কেন্দ্ৰ কৰি ভাৰত আৰু পাকিস্তানৰ মাজত তিনি দিন ধৰি তীব্ৰ উত্তেজনা চলিছিল। ট্ৰাম্পৰ দাবী আছিল যে তেওঁৰ মধ্যস্থতাৰ বাবেই দুই দেশৰ মাজৰ এই যুঁজ বন্ধ হৈছিল। আমেৰিকাৰ ৰাষ্ট্ৰপতিগৰাকীয়ে এই কথা বহুবাৰ কৈছে যদিও ভাৰতে সদায় ইয়াক অস্বীকাৰ কৰি আহিছে। দিল্লীৰ স্পষ্ট কথা যে কোনো তৃতীয় পক্ষৰ হস্তক্ষেপ নোহোৱাকৈয়ে দুই দেশে নিজৰ মাজত আলোচনা কৰি এই যুদ্ধবিৰতিৰ সিদ্ধান্ত লৈছিল।