ভুলবশতঃ লোৱা হৈছিল সিদ্ধান্ত! টুইটাৰে পুনৰ চাকৰিলৈ মাতি পঠিয়াছে বহু কৰ্মচাৰীক
ইয়াৰ প্ৰায় ৫০ শতাংশ কৰ্মচাৰীৰ চাকৰি কৰ্তন কৰাৰ মাত্ৰ দুদিন পিছতে টুইটাৰে পুনৰ তেওঁলোকক ঘূৰাই মাতিছে। এলন মাস্কৰ টুইটাৰে এতিয়া বহু বৰ্খাস্ত কৰ্মচাৰীক তেওঁলোকৰ চাকৰিলৈ ঘূৰি আহিবলৈ মতা বুলি জানিব পৰা গৈছে।
দেওবাৰে প্ৰকাশিত এক প্ৰতিবেদন অনুসৰি যিসকলক ঘূৰি আহিবলৈ কোৱা হৈছিল তেওঁলোকৰ কিছুমানক “ভুলবশতঃ” ছাঁটাই কৰা বুলি জনোৱা হৈছে। সূত্ৰসমূহে প্ৰকাশ কৰিছে যে মেনেজমেণ্টে ভুলটো অনুভৱ কৰাৰ পিছত এইসকলক পুনৰ কামত যোগদান কৰিবলৈ কোৱা হৈছে।
লগতে পঢ়ক: সাজু জুকাৰবাৰ্গ! টুইটাৰৰ পিছত এইবাৰ বৃহৎ সংখ্যক কৰ্মচাৰীক ছাঁটাই কৰিব মেটাই!
টেছলাৰ মুখ্য কাৰ্যবাহী বিষয়াগৰাকীয়ে কল্পনা কৰা অনুসৰি টুইটাৰৰ নতুন বৈশিষ্ট্যসমূহ প্ৰস্তুত কৰিবলৈ এই লোকসকলক প্ৰয়োজন বুলি অনুমান কৰা হৈছে।
কোম্পানীটোৱে ইয়াৰ ৫০ শতাংশ কৰ্মচাৰীক বৰ্খাস্ত কৰাৰ পিছতে এই বাতৰিটো আহিছে। বিভিন্ন মহলে মাস্কৰ গণ ছাঁটাইৰ সিদ্ধান্তক সমালোচনা কৰিছিল।
ছ’চিয়েল মিডিয়া কোম্পানীটোৰ কৰ্মচাৰীসকলৰ টুইটৰ পৰা জানিব পৰা গৈছে যে সামগ্ৰী আৰু অভিযান্ত্ৰিক বিভাগৰ কৰ্মচাৰীসকলৰ লগতে যোগাযোগ, কন্টেন্ট কিউৰেশ্যন, মানৱ অধিকাৰ আৰু মেচিন লাৰ্ণিং নীতিৰ দায়িত্বত থকা গোটসমূহক ছাঁটাই কৰা হৈছে।
মাস্কৰ টুইটাৰ অধিগ্ৰহণৰ পিছত ব্যয় হ্ৰাস কৰাৰ প্ৰচেষ্টাত এই সপ্তাহত প্ৰায় ৩,৭০০ কৰ্মচাৰীক ইমেইলযোগে বৰ্খাস্ত কৰা হৈছে।
লগতে পঢ়ক: বাংলাদেশী নাগৰিকৰ অবৈধ বসবাসৰ বিষয়ে সতৰ্কতা জাৰি কেন্দ্ৰীয় চৰকাৰৰ
এক টুইটযোগে মাস্কে কৈছে যে তেওঁৰ নতুনকৈ ক্ৰয় কৰা কোম্পানীটোৰ ব্যাপক লোকচানৰ বাবে কৰ্মচাৰীসকলক ছাঁটাই কৰা হৈছে। তেওঁ লিখিছে, “টুইটাৰৰ কৰ্মশক্তি হ্ৰাসৰ সন্দৰ্ভত, দুৰ্ভাগ্যবশতঃ যেতিয়া কোম্পানীটোৱে দৈনিক ৪ নিযুত ডলাৰৰ অধিক ক্ষতিৰ সন্মুখীন হয় তেতিয়া আৰু কোনো বিকল্প নাথাকে।”