গণৰাজ্য দিৱসৰ পুৱাই গুৱাহাটীৰ বিস্ফোৰণৰ দায়িত্ব স্বীকাৰ কৰিছে আলফা (স্বাধীন)এ।
উল্লেখ্য যে, গণৰাজ্য দিৱসৰ পুৱাই গুৱাহাটী মহানগৰীত এইমুহূৰ্তলৈ দুটাকৈ ৰহস্যজনক বিস্ফোৰণ হৈছিল। মহানগৰীৰ লালমাটি ব্ৰহ্মপুত্ৰ পাচলি বজাৰত হৈছে প্ৰথমটো বিস্ফোৰণৰ শব্দ।
প্ৰথমটো প্ৰচণ্ড শব্দত কঁপি উঠিল লালমাটিৰ ব্ৰহ্মপুত্ৰ পাৰ্কিং আৰু বজাৰ। গণৰাজ্য দিৱসৰ পুৱাই হোৱা ৰহস্যজনক বিস্ফোৰণত আতংকিত হৈ পৰিছে অঞ্চলবাসী।
ঘটনাস্থলীত বশিষ্ঠ আৰক্ষী উপস্থিত হৈছে। আৰক্ষীয়ে আৰম্ভ কৰিছে পৰীক্ষা-নিৰীক্ষা। এতিয়াও স্পষ্ট হোৱা নাই বিস্ফোৰণৰ কাৰণ। বন্ধ কৰি দিয়া হৈছে ছাৰ্ভিচ লেন। পুৱাই মহানগৰীত দ্বিতীয়টো বিস্ফোৰণৰ শব্দ। মহানগৰীৰ ISBTতো বিস্ফোৰণৰ প্ৰচণ্ড শব্দ। শ্নীফাৰ ডগ, বৃহৎ আৰক্ষীৰ দল উপস্থিত ISBTত। আলফা (স্বাধীন)এক বিবৃতিত কয়, “সংগঠনৰ এই সশস্ত্ৰ প্ৰতিবাদ অসমৰ থলগিৰি জনগণৰ বিৰুদ্ধে তথা জনগণৰ জীৱনৰ ক্ষতি-বিঘিনিৰ বাবে নহয়। ই কেৱল ঔপনিৱেশিক শাসকৰ বাবে এক বাৰ্তা।”
