মণিপুৰৰ নৰসেনা অঞ্চলত সন্দেহযুক্ত কুকি উগ্ৰপন্থীৰ আক্ৰমণত কেন্দ্ৰীয় সংৰক্ষিত আৰক্ষী বাহিনীৰ দুজন জোৱান নিহত হয়।আৰক্ষীয়ে উল্লেখ কৰে যে মাজনিশাৰ পৰা আৰম্ভ হোৱা এই আক্ৰমণ পুৱা ২:১৫ বজালৈকে অব্যাহত থাকে।
ৰাজ্যখনৰ বিষ্ণুপুৰ জিলাৰ নৰসেনা অঞ্চলত নিয়োজিত চিআৰপিএফৰ ১২৮ বেটেলিয়নৰ এই জোৱানসকল।সূত্ৰ অনুসৰি যোৱা ২৭ এপ্ৰিলৰ প্ৰায় নিশা ১২:৪৫ বজাত মৈৰাং আৰক্ষীৰ অধীনস্থ নাৰায়ণসেনাৰ এখন গাঁৱৰ ফালে সশস্ত্ৰ সংগঠনে গুলীচালনা কৰা বুলি জানিব পৰা গৈছে।
সশস্ত্ৰ সংগঠনে নিক্ষেপ কৰা বোমাটো নাৰায়ণসেনাস্থিত বি/১২৮ বিএন চিআৰপিএফৰ আউটপোষ্টৰ ভিতৰত পৰি বিস্ফোৰণ ঘটে। তদুপৰি বিস্ফোৰণৰ ফলত চাৰিজন জোৱান আহত হয়৷ পৰিদৰ্শক/জিডি জাদৱ দাস, এছআই/জিডি এন সৰকাৰ, এইচচি/জিডি অৰূপ ছেইনী, আৰু চিটি/জিডি আফতাব হুছেইন আঘাতপ্ৰাপ্ত হোৱাৰ বিপৰীতে এছআই/জিডি এন ছাকাৰ আৰু এইচচি/জিডি অৰূপ ছেইনীৰ মৃত্যু হয়।
