শেহতীয়াকৈ ৱাকফ বিলৰ সপক্ষে ভোটদান কৰিছিল জেডিইউ-ৰ দুজন সাংসদে।কিন্তু আনহাতে দলৰ স্থিতি মানি ল’ব নোৱাৰি শীৰ্ষ নেতা দুগৰাকীয়ে পদত্যাগ কৰে। তেওঁলোকে জেডিইউৰ চুপ্ৰেম’ নীতিশ কুমাৰলৈ পত্ৰ লিখি কয় যে ৱাকফ বিধেয়কখন মুছলমান বিৰোধী। সেই বিধেয়কক সমৰ্থন কৰি জেডিইউয়ে ধৰ্মনিৰপেক্ষতাৰ মতাদৰ্শৰ পৰা আঁতৰি গৈছে। গতিকে হতাশাৰ বাবেই দল এৰি গৈছে।
প্ৰথম অৱস্থাত জেডিইউয়ে ৱাকফ বিধেয়কৰ বিৰোধিতা কৰিছিল। কিন্তু পাছত দলটোৱে ৰাজহুৱাভাৱে ঘোষণা কৰে যে তেওঁলোকে বিধেয়কখনক সমৰ্থন কৰিব। সংখ্যালঘু শাখাৰ মুৰব্বী মহম্মদ আশ্ৰফ আনছাৰীয়ে লোকসভাত বিধেয়কখন গৃহীত হোৱাৰ পাছতে দল এৰি থৈ যায়। তেওঁ জেডিইউৰ চুপ্ৰেমোলৈ এখন পত্ৰ লিখি কয় যে বহু ভাৰতীয় মুছলমানে নীতিশক ধৰ্মনিৰপেক্ষতাৰ আদৰ্শৰ পতাকাবাহী বুলি বিশ্বাস কৰে। কিন্তু সেই আস্থা ভাঙি দিছে। ভাৰতীয় মুছলমানৰ বিৰুদ্ধে ৱাকফ সংশোধনী বিধেয়ক। জেডিইউয়ে ৱাকফ বিধেয়কক যিদৰে সমৰ্থন কৰিছে তাত আমি স্তম্ভিত হৈছোঁ।
জ্যেষ্ঠ নেতা কাছিম আনছাৰীয়েও জেডিইউ ত্যাগ কৰিছে। চিঠিখনত তেওঁ দাবী কৰিছে যে জীৱনৰ ইমান বছৰ জেডিইউক দিলেও আজি তেওঁ হতাশ। ৱাকফ বিৰোধী বিধেয়ক ভাৰতীয় মুছলমানে কোনো কাৰণতে মানি ল’ব নালাগে। এই বিধেয়কখনে সংবিধানৰ আদৰ্শকো উলংঘা কৰিছে। কিন্তু নীতিশ আৰু তেওঁৰ দলটোৱে সেই কথা বুজি নাপায়।
উল্লেখ্য যে, ৰাজ্যসভাতো লোকসভাৰ পুনৰাবৃত্তি হয়। ১২ ঘণ্টীয়া দীঘলীয়া বিতৰ্কৰ অন্তত ভোটৰ জৰিয়তে গৃহীত হয় ৱাকফ সংশোধনী বিধেয়ক। ১২৮ জন সদস্যই বিধেয়কখনৰ সপক্ষে ভোটদান কৰে। বিপক্ষে ভোটদান কৰিলে ৯৫ জন লোকে। অধিৱেশনত ৰাজ্যসভাৰ সকলো সদস্যই অভূতপূৰ্ব ধৰণে ভোটদান কৰে। আশা কৰা হৈছিল যে এন ডি এয়ে ভোট লাভ কৰিব। কাৰণ নীতিশ কুমাৰৰ জেডিইউয়ে চৰকাৰক সমৰ্থন কৰাৰ সিদ্ধান্ত ইতিমধ্যে ঘোষণা কৰিছিল, টিডিপিও একে পথেই চলি আছে। আনকি ওড়িশাৰ বিৰোধী দল বিজেডিয়েও নিজৰ সাংসদসকলক কোনো ধৰণৰ হুইপ জাৰি কৰা নাছিল। বিজেডিৰ সাংসদসকলে নিজৰ ইচ্ছামতে ভোটদান কৰিলে।
