যোৱা কিছুদিনৰ পৰা নামনি অসমৰ বিভিন্ন প্ৰান্তত সেনা আৰু আৰক্ষীৰ যুটীয়া অভিযানকাৰী দলে উগ্ৰপন্থী সংগঠন এন ডি এফ বি (স) গোটৰ কেইবাজনো সদস্যক আটক কৰাৰ পিছত এইবাৰ বাইহাটা চাৰিআলিৰ পৰা সংগঠনটোৰ দুজন সদস্যক আটক কৰিবলৈ সক্ষম হৈছে।
সেনা আৰক্ষীৰ এটা যুটীয়া অভিযানকাৰী দলে বেলিফুং মুছাহাৰীৰ তথ্যৰ আধাৰত অভিযান চলাই বাইহাটা চাৰিআলিৰ পৰা এন ডি এফ বিৰ কেডাৰ দুজনক গ্ৰেপ্তাৰ কৰে।
গ্ৰেপ্তাৰ হোৱা কেডাৰ দুজনৰ এজন তামুলপুৰৰ ধনেশ্বৰ বড়ো ওৰফে এছ দি বি আৰু শোনিতপুৰৰ ৰাজু স্বৰ্গীয়াৰী ওৰফে বগা বুলি চিনাক্ত কৰিছে।
গোৰেশ্বৰ থানাত ৰুজু হৈ থকা ভাৰতীয় দণ্ডবিধিৰ ৩৮৭ নম্বৰ ধাৰাৰ অধীনত ১২৪/১৯ নম্বৰত ৰুজু হৈ থকা গোচৰৰ ভিত্তিত উগ্ৰপন্থী সদস্য দুজনক আটক কৰে।
উল্লেখ্য যে বিদ্ৰোহী সংগঠনৰ সদস্য দুয়োজনৰ বিৰুদ্ধে যোৱা ৮ অক্টোবৰত এন ডি এফ বি(স)ৰ নামত ধনদাবী কৰাৰ অভিযোগ আছে।
