বিশ্বনাথৰ প্ৰতাপগড়ত যোৱা নিশা সংঘটিত হৈছে এটা ভয়ংকৰ পথ দুৰ্ঘটনা। দুৰ্ঘটনাটোত থিতাতে দুজন লোক নিহত হোৱাৰ লগতে দুজন গুৰুতৰভাৱে আহত হয়।
জানিব পৰা মতে AS 12 AC 9970 নম্বৰৰ কেচা চাহ পাত কঢ়িওৱা বলেৰ‘ পিক আপ ভান এখনে AS 01 G 7385 নম্বৰৰ এখনে ৰৈ থকা বালি ভৰ্তি ট্ৰাকৰ পিছফালে খুন্দা মাৰে।
প্ৰচণ্ড বেগেৰে আহি ট্ৰাক খনত খুন্দা মৰাত পথৰ বিপৰীত দিশত প্রায় ১০০ মিটাৰ দূৰত্বত চিটিকি পৰে বলেৰ’ পিকাপখন ।
এই খুন্দাত বলেৰ’ বাহনখনত থকা দুজন থিতাতে নিহত হয় আৰু গুৰুতৰভাৱে আহত হোৱা আন দুজনক বিশ্বনাথ মহকুমা অসামৰিক চিকিৎসালয়ত ভৰ্তি কৰে।
শোকাৱহ দুৰ্ঘটনাটোত প্ৰাণ হেৰুওৱা লোক দুজনৰ এজন চতিয়াৰ বগলীবাৰী গাঁৱৰ মানস শইকীয়া আৰু আনজন (জনৈক) বিৰবল বুলি জানিব পৰা গৈছে।
আনহাতে আহত দুজনৰ এজন চতিয়াৰ পহুচোৱা গাঁৱৰ অমল দাস আৰু আনজন চতিয়া কৰতিগাঁৱৰ ধীৰেন বৰা।