দুগৰাকী ক’ভিড ৰোগীয়ে মঙলবাৰৰ দিনটোত অসমত মৃত্যুক আঁকোৱালি লৈছে।
পুৱা কলিয়াবৰৰ এজন ব্যক্তিৰ মৃত্যুৰ পিছত কামৰূপ জিলাৰ দেৱী কাকতি নামৰ এগৰাকী মহিলাই ক’ভিড-১৯ত প্ৰাণ হেৰুৱাইছে।
মহিলাগৰাকীক ২ জুলাইত বশিষ্ঠৰ ১৫১ বেছ হস্পিটেলত ভৰ্তি কৰোৱা হৈছিল।
আৰু তেওঁক ক’ভিড-১৯ পজিটিভৰ লগতে টাইপ ২ ডায়েবিটিজ আৰু হাইপাৰটেনচনত আক্ৰান্ত পোৱা গৈছিল।
টুইটাৰযোগে এই কথা সদৰী কৰি স্বাস্থ্য মন্ত্ৰী ডঃ হিমন্ত বিশ্ব শৰ্মাই সমবেদনা প্ৰকাশ কৰিছে।
দিনটোত ইয়াৰ পূৰ্বে কলিয়াবৰৰ ধদাৰাম মুৰা (৪০) নামৰ লোকজনৰ GMCHত মৃত্যু হৈছিল।
Loss of one more precious life!
Anguished to share passing away of Late Smt Devi Kakati of Kamrup. She was admitted to 151 Base Hospital, Basistha, on July 2 & diagnosed #COVID19+ with Type II Diabetes and hypertension. Despite best efforts we lost her. My heartfelt condolences.
— Himanta Biswa Sarma (@himantabiswa) July 7, 2020
জি এম চি এইচৰ ক’ভিড আই চি ইউত মুৰাই মঙলবাৰে দিনৰ ৯ বজাত শেষ নিশ্বাস ত্যাগ কৰে।
এক জুলাইৰ পৰা চিকিৎসালয়খনত ভৰ্তি হৈ থকা ৰোগীগৰাকী গুৰুতৰভাৱে নিমুনিয়া আৰু চেপ্তিক শ্বকত আক্ৰান্ত হৈছিল।
অসমত এতিয়ালৈকে চিনাক্ত মুঠ ক’ভিড আক্ৰান্ত ১২৫২২গৰাকী।