জম্মু-কাশ্মীৰত আজি ৰাতিপুৱা নিৰাপত্তাৰক্ষী বাহিনীৰ সৈতে হোৱা সংঘৰ্ষত দুজন দুৰ্ধৰ্ষ সন্ত্ৰাসবাদীৰ মৃত্যু হয়।
জম্মু-কাশ্মীৰৰ চোপিয়ান জিলাৰ চুগান জাইনাপোৰা অঞ্চলত নিৰাপত্তাৰক্ষী বাহিনীয়ে সন্ত্ৰাসবাদী দুজনক গুলিয়াই নিহত কৰে বুলি জম্মু-কাশ্মীৰ আৰক্ষীয়ে উল্লেখ কৰে।
মঙলবাৰে সন্ধিয়াৰ পৰা নিৰাপত্তাৰক্ষী বাহিনী আৰু সন্ত্ৰাসবাদীৰ দলৰ মাজত সংঘৰ্ষ আৰম্ভ হৈছিল।
মঙলবাৰৰ সন্ধিয়াৰ পৰা আৰম্ভ হোৱা সংঘৰ্ষৰ পাছত আজি পুৱতি নিশাই নিৰাপত্তাৰক্ষী বাহিনীয়ে সন্ত্ৰাসবাদী দুজনক গুলিয়াই নিহত কৰিবলৈ সক্ষম হয়।
নিৰাপত্তাৰক্ষী বাহিনীৰ দলটোৱে বিশেষ সূত্ৰৰ পৰা অঞ্চলটোত সন্ত্ৰাসবাদীয়ে আত্মগোপন কৰি থকাৰ খবৰ লাভ কৰে আৰু উক্ত খবৰৰ ভিত্তিত অঞ্চলটো ঘেৰাও কৰে।
উল্লেখযোগ্য যে, কিছুদিন পূৰ্বে জম্মু-কাশ্মীৰত সন্ত্ৰাসবাদীৰ দলে চি আৰ পি এফৰ দলৰ ওপৰত কৰা আকস্মিক আক্ৰমণত দুজন চি আৰ পি এফৰ জোৱান চদিহ হৈছিল।