পুনৰ বহিঃৰাজ্যত মৃত্যুৰ মুখত পৰিল অসমৰ এজন যুৱক। ওদালগুৰি জিলাৰ এজন যুৱকে গোৱাত মৃত্যু আঁকোৱালি লয়। নিহত যুৱকজনক ওদালগুৰি জিলাৰ হৰিশিঙা আৰক্ষী থানাৰ অন্তৰ্গত বৰঙাবাৰী গাঁৱৰ কৃষ্ণ মনি বৰুৱা বুলি চিনাক্ত কৰা হৈছে।
ঘটনাৰ বিৱৰণি মতে দেওবাৰে বিয়লি এক মটৰচাইকেল দুৰ্ঘটনাত পতিত হৈ বৰুৱাই মৃত্যুক আঁকোৱালি লয়। গোৱাৰ এটা ঔষধ কোম্পানীত কৰ্মৰত আছিল মৃত্যুক আঁকোৱালি লোৱা বৰুৱা।
আনহাতে যুৱকজন তথা কৃষ্ণ মনি বৰুৱাৰ মৃত্যুৰ পিছতে তেওঁৰ নিজা ঘৰ ওদালগুৰিত এক শোকাকুল পৰিৱেশে বিৰাজ কৰিছে। ইফালে যুৱকজনৰ মৃতদেহ গোৱাৰ পৰা ঘৰলৈ আনিবৰ বাবে পৰিয়ালৰ লোকৰ হাতত ধনৰ অভাৱ।
গতিকে এইক্ষেত্ৰত দুৰ্ভগীয়া পৰিয়ালটোৱে মৃতদেহ ঘৰলৈ আনিবৰ বাবে চৰকাৰ তথা প্ৰশাসনৰ পৰা সহায় বিচাৰিছে। বৰ্তমান গোৱা চহৰৰ আগাকেইম আৰক্ষী থানাত ৰখা হৈছে যুৱকজনৰ মৃতদেহ।
