এমফিল (Mphil) সন্দৰ্ভত স্থিতি স্পষ্ট কৰি ইউজিচিয়ে ছাত্ৰ-ছাত্ৰীৰ উদ্দেশ্যে জাননী জাৰি কৰিছে। বুধবাৰে ছাত্ৰ-ছাত্ৰীসকলক কাৰ্যকৰীভাৱে সতৰ্ক কৰি দিয়া এক জাননীৰ জৰিয়তে বিশ্ববিদ্যালয়সমূহলৈ ইউজিচিয়ে এই জাননী জাৰি কৰিছে। উল্লেখ্য যে বহু বিশ্ববিদ্যালয়ে এমফিল পাঠ্যক্ৰম প্ৰদান কৰিবলৈ আৰম্ভ কৰিছে। তাৰমাজতে বিশ্ববিদ্যালয় অনুদান আয়োগ বা ইউজিচিয়ে এমফিল স্বীকৃতিপ্ৰাপ্ত ডিগ্ৰী নহয় বুলি কৈছে।
ইয়াৰ পূৰ্বে ইউজিচিয়ে এমফিল পাঠ্যক্ৰম বাতিল ঘোষণা কৰিছিল। ইয়াৰ পূৰ্বে ইউজিচিয়ে এই এমফিল পাঠ্যক্ৰম প্ৰদান কৰা সকলো বিশ্ববিদ্যালয় আৰু উচ্চ শিক্ষানুষ্ঠানক বন্ধ কৰিবলৈ কৈছিল। ইউজিচিয়ে লগতে কয় যে সকলো বিশ্ববিদ্যালয় আৰু উচ্চ শিক্ষানুষ্ঠানৰ এমফিল পাঠ্যক্ৰম এতিয়া বৈধ নহয়। বৰ্তমানৰ জাননীখনে এই পাঠ্যক্ৰম বন্ধ কৰাৰ বাবেও তাৎক্ষণিক ব্যৱস্থা গ্ৰহণৰ নিৰ্দেশ দিছে।
লগতে পঢ়কঃ ভাৰতীয় মল্লযুঁজ ফেডাৰেচনৰ অস্থায়ী সমিতি গঠন ভাৰতীয় অলিম্পিক সন্থাৰ
ইউজিচিয়ে ২০২৩-২৪ শিক্ষাবৰ্ষত এই এমফিলৰ নামভৰ্তি প্ৰক্ৰিয়া বন্ধ কৰিবলৈও নিৰ্দেশ দিছে। শেহতীয়াকৈ ইউজিচিয়ে দিয়া জাননীত কয় যে, ‘এমফিলত কেইবাখনো বিশ্ববিদ্যালয়ে নতুনকৈ নামভৰ্তিৰ ব্যৱস্থা কৰিছে। ইয়াৰ দ্বাৰা জনোৱা হ’ল যে MPhil এতিয়া স্বীকৃতিপ্ৰাপ্ত ডিগ্ৰী নহয়।
উল্লেখ্য যে ইউ জি চি ৰেগুলেচন নং ১৪ (পি এইচ ডি ডিগ্ৰী প্ৰদানৰ নূন্যতম মানদণ্ড আৰু পদ্ধতি)ৰ নিয়ম অনুসৰি কোনো উচ্চ শিক্ষানুষ্ঠানে কোনো দিশত এমফিল পাঠ্যক্ৰম অনুষ্ঠিত কৰিব নোৱাৰে।
লগতে পঢ়কঃ দেশৰ ৬৫ শতাংশ নাগৰিকৰ কথা নকয় ‘গোডী মিডিয়া’ইঃ সংবাদ মাধ্যমক সমালোচনা গৌৰৱ গগৈৰ
ইউজিচিয়ে নিজৰ জাননীত স্পষ্ট কৰি দিছে যে বিশ্ববিদ্যালয়সমূহে তৎকালীনভাৱে কাৰ্যকৰী হোৱাকৈ এমফিলত নামভৰ্তি প্ৰক্ৰিয়া বন্ধ কৰিব লাগিব।
