বাৰ্মিজ আৰ্মিৰ অভিযানৰ পিছতে আত্মসমৰ্পণৰ ঢল আলফা (স্বাধীন)ত

ম্যানমাৰৰ চাগাইং দিভিজনৰ তা গাত বাৰ্মিজ আৰ্মিৰ অভিযানৰ পিছতে আলফা (স্বাধীন)ত পৰিলক্ষিত হৈছে আত্মসমৰ্পণৰ ঢল।

ভাৰতৰ বিৰুদ্ধে যুঁজত তা গাই উত্তৰ-পূবৰ বিদ্ৰোহী গোটসমূহৰ মূল কেন্দ্ৰৰূপে কাম কৰি আহিছিল।

এন এচ চি এচ-কে নিয়ন্ত্ৰণাধীন তা গা এলেকাত আলফা (স্বাঃ)ৰ দৰে বিদ্ৰোহী গোটেও শিবিৰ স্থাপন কৰিছিল।

ভাৰতীয় বাহিনীক নিয়মীয়াকৈ আক্ৰমণ কৰি অহা বিদ্ৰোহী ঐক্যমঞ্চ UNLFSWEA (United Liberation Front of Western South East Asia)ৰ অংশ আছিল এন এচ চি এন-কে আৰু আলফা (স্বাঃ)কে ধৰি ৪টা গোট।

ফেব্ৰুৱাৰিৰ প্ৰথম ভাগত বাৰ্মিজ সেনা তাতমাদাও-এ তা গাৰ এন এচ চি এন-কে মুখ্যালয় দখল কৰাৰ পিছত এলেকাটোৰ আলফা (স্বাঃ) শিবিৰসমূহত চলোৱা আক্ৰমণত মে’জৰ জ্যোতিৰ্ময় অসমৰ মৃত্যু হোৱাৰ লগতে সংগঠনটোৰ আন কেইজনমান সদস্যও হতাহত হৈছিল।

তেতিয়াৰে পৰা আলফা (স্বাধীন) চেদেলি-ভেদেলি হৈ পৰিছে।

ভাৰতীয় সেনাৰ সূত্ৰই জনোৱা অনুসৰি অসহায় হৈ পৰা একাংশ সৈনিকে অসম-নাগালেণ্ড সীমান্তত সেনাৰ ওচৰত আত্মসমৰ্পণ কৰিবলৈ আৰম্ভ কৰিছে।

যোৱা এপষেকত কমেও ৭গৰাকী আলফা (স্বাঃ) বিদ্ৰোহীয়ে আত্মসমৰ্পণ কৰিছে। সেনা সূত্ৰই ইতিমধ্যে নৰ্থ ইষ্ট নাও-ক তেওঁলোকৰ সবিশেষ যোগান ধৰিছে:

১) চাৰ্জেন্ত বৃন্দাবন মৰাণ ওৰফে বিপুল ওৰফে বৰুণ অসম, বয়স ৩৪ বছৰ, পিতা মিনেশ্বৰ মৰাণ, শিমলুগুৰি গাওঁ, বৰদুমচা আৰক্ষী থানা, তিনিচুকীয়া।

২) লেন্স কৰ্প’ৰেল মনজিত মৰাণ ওৰফে বসন্ত মৰাণ ওৰফে মজিদ, বয়স ২৯ বছৰ, পিতা প্ৰয়াত তেতেৰা মৰাণ, তৰানি গাওঁ, পেঙেৰি, তিনিচুকীয়া।

৩) লেন্স কৰ্প’ৰেল ধনেশ্বৰ মৰাণ ওৰফে সজ্জন অসম ওৰফে তুতু, বয়স ৩১ বছৰ, পিতা তিপেশ্বৰ মৰাণ, ৰিতু কঠালগুৰি গাওঁ, পেঙেৰি থানা, তিনিচুকীয়া।

৪) লেন্স কৰ্প’ৰেল লভিত গোহাঁই ওৰফে উৎপল অসম ওৰফে লেপা, বয়স ২৬ বছৰ, পিতা পৰ্বেশ্বৰ গোহাঁই, ৰিতু কঠালগুৰি গাওঁ, পেঙেৰি থানা, তিনিচুকীয়া।

৫) লেন্স কৰ্প’ৰেল সঞ্জিত মৰাণ ওৰফে শেখৰজ্যোতি অসম, বয়স ২৫ বছৰ, পিতা ৰঞ্জিত মৰাণ, নয়া কঠালগুৰি গাওঁ, বৰদুমচা থানা, তিনিচুকীয়া।

৬) শত্ৰুবন দহোতীয়া ওৰফে নিঞ্জা অসম, বয়স ২৭ বছৰ, পিতা ধীৰেন দহোতীয়া, বৰালি গাওঁ, কাকপথাৰ থানা, তিনিচুকীয়া।

৭) লেন্স কৰ্প’ৰেল দিগন্ত মৰাণ ওৰফে আমাৰ অসম, বয়স ২৯ বছৰ, পিতা দেৱেশ্বৰ মৰাণ, তেকেৰি গাওঁ, পেঙেৰি থানা, তিনিচুকীয়া।

দেখা গৈছে যে আত্মসমৰ্পণকাৰী আলফা (স্বাঃ) বিদ্ৰোহীসকলৰ বেছিসংখ্যকেই মৰাণ সম্প্ৰদায়ৰ।

আলফা (স্বাঃ)ৰ সামৰিক শাখাৰ মুৰব্বী পৰেশ বৰুৱাৰ ঘনিষ্ঠ লেফতেনেন্ত জীৱন মৰাণেও আত্মসমৰ্পণৰ চিন্তা-চৰ্চা কৰিছে বুলিও কিছু বু বু বা বা ওলোৱা পৰিলক্ষিত হৈছে।

চোৰাংচোৱা সূত্ৰসমূহে জনোৱা মতে সংগ্ৰামখন বৰ্তি থকাক লৈ পৰেশ বৰুৱাৰ সৈতে তেওঁৰ কিছু মতবিৰোধ হোৱা যেন লাগিছে আৰু তেওঁ ভাৰত চৰকাৰৰ সৈতে চলিত আলোচনাত আলোচনাৰত আলফাৰ সৈতে যোগ দিব খোজে।

অসমৰ সাৰ্বভৌমত্ব সন্দৰ্ভত আলোচনাৰ অবিহনে পৰেশ বৰুৱা আলোচনাৰ বিৰোধী।

ধাৰণা হৈছে তেওঁ চীনৰ নিৰাপদ আশ্ৰয়ত আছে, যোৱা বছৰৰ শেহৰ ফালে হোৱা পথ দুৰ্ঘটনাত পোৱা আঘাতৰ চিকিৎসা চলাই আছে, যিসময়ত যুঁজাৰুসকল বেমাৰত ভোগাৰ লগতে খাদ্য সংকট আৰু বাৰ্মিজ আৰ্মিৰ চিকাৰ হ’ব লগা হৈছে।