বিশ্বৰ বিভিন্ন প্ৰান্তত ধৰ্মীয় স্থান সমূহ ধ্বংস কৰা কাৰ্য্যক গৰিহণা দি ৰাষ্ট্ৰসংঘৰ সাধাৰণ পৰিষদে বৃহস্পতিবাৰে এক নতুন প্ৰস্তাৱ গ্ৰহণ কৰে।
বৃহস্পতিবাৰে ৰাষ্ট্ৰসংঘৰ সাধাৰণ পৰিষদে বিশ্বৰ ধৰ্মীয় ঐতিহ্যপূৰ্ণ স্থান সমূহ সংৰক্ষণ আৰু সুৰক্ষাৰ বাবে প্ৰস্তাৱ গ্ৰহণ কৰে।
ৰাষ্ট্ৰসংঘৰ সাধাৰণ পৰিষদৰ সভাত ছৌদি আৰৱে প্ৰথমে ধৰ্মীয় ঐতিহ্যপূৰ্ণ স্থান সমূহ সংৰক্ষণ আৰু সুৰক্ষাৰ ক্ষেত্ৰত প্ৰথমে প্ৰস্তাৱ গ্ৰহণ কৰে।
পৰৱৰ্তী সময়ত বিশ্বৰ বহু কেইখন দেশে ছৌদি আৰৱৰ এই প্ৰস্তাৱত সন্মতি আৰু সমৰ্থন ব্যক্ত কৰে।
এই প্ৰস্তাৱ অনুসৰি এতিয়াৰে পৰা বিশ্বৰ কোনো স্থানত বলপূৰ্বক ভাৱে কোনো ধৰ্মীয় স্থানত অন্যলৈ ৰূপান্তৰিত কৰিব নোৱাৰিব।
বিশ্বত ক্ৰমাৎ ধৰ্মীয় স্থান সমূহত আক্ৰমণৰ ঘটনা বৃদ্ধি পোৱাৰ সময়ত ৰাষ্ট্ৰসংঘৰ সাধাৰণ পৰিষদত গ্ৰহণ কৰা এই প্ৰস্তাৱে যথেষ্ট তাৎপৰ্য বহন কৰিছে।
ভাৰতৰ চুবুৰীয়া ৰাষ্ট্ৰ পাকিস্তানত প্ৰায়ে হিন্দু আৰু শিখ সকলৰ ধৰ্মীয় স্থান সমূহত ইছলামিক কট্টৰপন্থী সকলে আক্ৰমণ সংঘটিত কৰি আহিছে।
