প্ৰধানমন্ত্ৰী মোদীৰ নেতৃত্বত কেবিনেটে সিদ্ধান্ত লৈছে যে কেন্দ্ৰীয় চৰকাৰে ২০২৩ ৰ ১ জানুৱাৰীৰ পৰা এবছৰৰ বাবে ৰাষ্ট্ৰীয় খাদ্য সুৰক্ষা আইনৰ (NFSA) অধীনত প্ৰায় ৮১.৩৫ কোটি হিতাধিকাৰীক বিনামূলীয়া খাদ্যশস্য প্ৰদান কৰিব।
কেন্দ্ৰীয় খাদ্য আৰু ৰাজহুৱা বিতৰণ মন্ত্ৰী পীয়ুষ গোৱেলে কেবিনেট বৈঠকৰ পিছত সংবাদ মাধ্যমৰ লোকসকলক সম্বোধন কৰি কয় যে দৰিদ্ৰ তথা দৰিদ্ৰতম লোকসকলৰ আৰ্থিক বোজা আঁতৰাবলৈ কেন্দ্ৰই এই সময়ছোৱাত ৰাষ্ট্ৰীয় খাদ্য সুৰক্ষা আইন আৰু অন্যান্য কল্যাণমূলক আঁচনিৰ অধীনত খাদ্য ৰাজসাহায্য হিচাপে ২ লাখ কোটি টকাতকৈও অধিক ব্যয় কৰিব।
লগতে পঢ়ক: বিহাৰৰ ইটা ভাটাত ভয়ংকৰ বিস্ফোৰণত নিহত ৭ জন শ্ৰমিক
তেওঁ কয় যে প্ৰাথমিকতা প্ৰাপ্ত পৰিয়ালৰ হিতাধিকাৰীসকলক প্ৰতিজন ব্যক্তিৰ বাবে ৫ কিলোগ্ৰাম খাদ্যশস্য আৰু অন্তোদয় অন্ন যোজনাৰ হিতাধিকাৰীসকলক প্ৰতি পৰিয়ালত ৩৫ কিলোগ্ৰামকৈ অহা এবছৰৰ বাবে বিনামূলীয়াকৈ খাদ্য শস্য প্ৰদান কৰা হ’ব।
গোৱেলে আঙুলিয়াই দিয়ে যে সিদ্ধান্তটোৱে হিতাধিকাৰীসকলৰ প্ৰতি প্ৰধানমন্ত্ৰীৰ সংবেদনশীলতা প্ৰতিফলিত কৰে।
লগতে পঢ়ক:দেশৰ প্ৰথম মুছলমান মহিলা যুঁজাৰু পাইলট হিচাপে ইতিহাস গঢ়িবলৈ আগবাঢ়িছে ছানিয়া মিৰ্জা!
গোৱেলে কয় যে ৰাষ্ট্ৰীয় খাদ্য সুৰক্ষা আইনৰ অধীনত ৰাজসাহায্যপ্ৰাপ্ত খাদ্যশস্য চাউলৰ বাবে প্ৰতি কিলোগ্ৰামত ৩ টকা, ঘেঁহুৰ বাবে ২ টকা আৰু হিতাধিকাৰীসকলক প্ৰতি কিলোগ্ৰাম মোটা শস্যৰ বাবে ১ টকাকৈ বিতৰণ কৰা হৈছিল। কেবিনেটে সিদ্ধান্ত লৈছে যে হিতাধিকাৰীসকলে এতিয়া বিনামূলীয়াকৈ এই খাদ্যশস্য লাভ কৰিব।
