দুদিনীয়া অসম ভ্ৰমণৰ কাৰ্যসূচীৰে বৃহস্পতিবাৰে গুৱাহাটীত উপস্থিত হয় কেন্দ্ৰীয় গৃহমন্ত্ৰী অমিত শ্বাহ। অসম বিজেপিৰ কৰ্ণধাৰ সমিতিৰ বৈঠকত অংশগ্ৰহণ কৰি অহা বছৰ ৰাজ্যত অনুষ্ঠিত হ’বলগীয়া বিধানসভা নিৰ্বাচনৰ সৈতে জড়িত বিষয়সমূহৰ ওপৰত আলোচনা কৰে।
বি এছ এফৰ বিমানেৰে আহি উপস্থিত হোৱা শ্বাহক লোকপ্ৰিয়া গোপীনাথ আন্তঃৰাষ্ট্ৰীয় বিমানবন্দৰত আদৰণি জনায় মুখ্যমন্ত্ৰী হিমন্ত বিশ্ব শৰ্মাৰ লগতে তেওঁৰ কেবিনেটৰ সদস্য আৰু ৰাজ্যখনৰ শীৰ্ষ বিষয়াই।
কেন্দ্ৰীয় গৃহমন্ত্ৰীগৰাকীয়ে ৰাজ্যিক বিজেপিৰ মুখ্য কাৰ্যালয়ত উপস্থিত হৈ ২০২৬ চনত অসম বিধানসভা নিৰ্বাচনৰ প্ৰস্তুতিৰ বিষয়ে আলোচনা আৰু কৌশল ৰচনা কৰিবলৈ নৱগঠিত ১৮ জনীয়া কৰ্ণধাৰ সমিতিৰ বৈঠকত অংশগ্ৰহণ কৰে।
ইয়াৰ পূৰ্বে শ্বাহে এক্সৰ এটা পোষ্টত কৈছিল, ”দুদিনীয়া ভ্ৰমণত অসমলৈ যাত্ৰা। আজি, গুৱাহাটীত বিজেপিৰ কৰ্ণধাৰ সমিতিৰ বৈঠকৰ অধ্যক্ষতা কৰিম। কাইলৈ ৰাতিপুৱা বিভিন্ন প্ৰকল্পৰ লগতে অঞ্চলটোৰ চাইবাৰ নিৰাপত্তা বৃদ্ধিৰ বাবে ৰাষ্ট্ৰীয় চাইবাৰ ফৰেনছিক পৰীক্ষাগাৰৰ শুভাৰম্ভ কৰিম।”
ইয়াৰ পিছত ‘এন ডি এ পঞ্চায়ত প্ৰতিনিধি সন্মিলন’ আৰু প্ৰাক্তন মুখ্যমন্ত্ৰী গোলাপ বৰবৰাৰ জন্ম শতবাৰ্ষিকী উদযাপনত ভাষণ দিব বুলিও তেওঁ কয়।
ইয়াৰ পূৰ্বে শুকুৰবাৰে পঞ্চায়ত সন্মিলনী অনুষ্ঠিত হ’বলগীয়া খানাপাৰা পশু চিকিৎসা ক্ষেত্ৰখনত মুখ্যমন্ত্ৰী সৰ্বানন্দ সোণোৱালে ব্যৱস্থাৰ পৰ্যালোচনা কৰে। শুকুৰবাৰে পুৱা শ্বাহে উদ্বোধন কৰিবলগীয়া নৱনিৰ্মিত ৰাজভৱনটো পৰিদৰ্শন কৰে মুখ্যমন্ত্ৰী শৰ্মাই।
গৃহমন্ত্ৰীগৰাকীয়ে কৰ্ণধাৰা সমিতিৰ বৈঠকত অংশগ্ৰহণ কৰাৰ পিছত বিজেপিৰ সদস্যসকলৰ সৈতে ৰাতিৰ আহাৰ গ্ৰহণ কৰে।
শুকুৰবাৰে শ্বাহে ৰাজভৱনৰ নৱনিৰ্মিত ব্ৰহ্মপুত্ৰ উইং উদ্বোধন কৰাৰ পিছত ৰাষ্ট্ৰীয় চাইবাৰ ফৰেনছিক লেবৰেটৰীৰ ই-উদ্বোধন আৰু আইটিবিপি, এছএছবি আৰু আছাম ৰাইফলছৰ বিভিন্ন উন্নয়নমূলক প্ৰকল্পৰ ই-উদ্বোধন সহ ই-ফাউণ্ডেচন স্থাপন কৰিব।
বিয়লি শ্বাহে ‘পঞ্চায়ত সন্মিলন’ত নৱনিৰ্বাচিত এন ডি এ পঞ্চায়ত সদস্যসকলৰ এক অধিৱেশনত অংশগ্ৰহণ কৰিব য’ত ৰাষ্ট্ৰীয় নেতাগৰাকীয়ে ৰাজ্যত ২০২৬ চনৰ বিধানসভা নিৰ্বাচনৰ বাবে ”ৰণ দুন্দুভি” বজাব।
এই অনুষ্ঠানৰ অন্তত তেওঁ ৫ হাজাৰ আসনৰ ক্ষমতাসম্পন্ন প্ৰেক্ষাগৃহ জ্যোতি বিষ্ণু সাংস্কৃতিক কমপ্লেক্সৰ অগ্ৰগতিৰ পৰ্যালোচনা কৰিব।
সন্ধিয়া তেওঁ নতুন দিল্লীলৈ যাত্ৰা কৰাৰ পূৰ্বে অসমৰ প্ৰথমগৰাকী অকংগ্ৰেছী মুখ্যমন্ত্ৰী গোলাপ বৰবৰাৰ জন্ম শতবাৰ্ষিকী উদযাপনৰ শুভাৰম্ভণি কৰিব।
মুখ্যমন্ত্ৰীগৰাকীয়ে কয়, ‘কেন্দ্ৰীয় মন্ত্ৰীৰ এই ভ্ৰমণ আমাৰ বাবে ৰাজনৈতিকভাৱে অতি গুৰুত্বপূৰ্ণ, কিন্তু বাকী সকলো অনুষ্ঠান সমানেই গুৰুত্বপূৰ্ণ।
