কেন্দ্ৰীয় চৰকাৰৰ শিক্ষা বিভাগৰ ৰাজ্যিক মন্ত্ৰী আৰু বাংকুৰাৰ সাংসদ সুভাষ চৰকাৰে দুপৰীয়া প্ৰায় ১ বজাত এখন সভা অনুষ্ঠিত কৰিছিল। তেনেতে ক্ষুদ্ধ বিজেপিৰ কৰ্মীসকলে যেতিয়া বিজেপি দলৰ কাৰ্যালয়ত প্ৰৱেশ কৰিছিল সুভাষ চৰকাৰ গ’ বেক সুভাষ চৰকাৰক হাতাও শ্ল’গান দিছিল আৰু তেওঁক কাৰ্য্যালয়টোত প্ৰায় এঘন্টাৰ বাবে বন্দী কৰি এজন প্ৰতিবাদকাৰী মোহিত শৰ্মাই সুভাষ চৰকাৰক “অক্ষম” বুলি দাবী কৰাৰ লগতে অভিযোগ কৰে যে কঠোৰ পৰিশ্ৰম কৰি থকা দলীয় কৰ্মীসকলক গুৰুত্ব দিয়া নাই কেন্দ্ৰীয় ৰাজ্যিক শিক্ষা মন্ত্ৰী সুভাষ চৰকাৰে।
তেওঁ লগতে অভিযোগ কৰিছিল যে সুভাষ চৰকাৰে তেওঁৰ সোঁৱে বাওঁৱে থকা বিজেপি নেতাক জিলা সমিতিৰ সদস্য হিচাপে নিযুক্তি দিছিল।
“আমাৰ মাজৰ কিছুমানপ্ৰদৰ্শনৰ কাৰণ হৈ পৰিছে। আমি দলটোক বচাবলৈ প্ৰতিবাদ কৰি আছো। এইবাৰ, তেওঁৰ অযোগ্যতাৰ বাবে বিজেপিয়ে বাংকুৰা পৌৰসভাত কোনো আসন লাভ কৰা নাছিল। পূৰ্বৰ নিৰ্বাচনত বিজেপিয়ে দুটা ৱাৰ্ডত জয়ী হৈছিল।কিন্তু এইবাৰ তেওঁলোকে পঞ্চায়তৰ বহুতো আসনত প্ৰাৰ্থী প্ৰদান কৰিব নোৱাৰিলে। এয়া এক লজ্জাজনক বিষয়,” মোহিত শৰ্মাই অভিযোগ কৰে।
অৱশ্যে আৰক্ষী-অৰ্দ্ধ সামৰিক বাহিনীৰ এটা দল গৈ তলা মৰা কোঠাৰ পৰা মন্ত্ৰী সুভাষ চৰকাৰক উদ্ধাৰ কৰি বাহনৰে ঘটনাস্থলীৰ পৰা পঠিয়াই দিয়ে।
দলৰ মাজত ঘটি থকা অন্তৰ্কন্দলৰ জুই নুমুওৱাৰ পৰিৱৰ্তে প্ৰতিবাদকাৰী বিজেপিৰ বিৰুদ্ধেহে ব্যৱস্থা ল’ব পশ্চিমবংগ বিজেপিয়ে!
পশ্চিম বংগ বিজেপিৰ মুখপাত্ৰ সমিক ভট্টাচাৰ্যই ঘটনাটোক দুৰ্ভাগ্যজনক বুলি অভিহত কৰাৰ লগতে প্ৰতিবাদকাৰী দলীয় কৰ্মীসকলৰ বিৰুদ্ধে ব্যৱস্থা লোৱা হ’ব বুলিহে সদৰী কৰে।
সমিক ভট্টাচাৰ্য্যই কয় “বিজেপিৰ দৰে শৃংখলাবদ্ধ দলত এনে ঘটনা গ্ৰহণযোগ্য নহয়। যদি কোনো অভিযোগ থাকে, সেইবোৰ উত্থাপন কৰাৰ বাবে এক সঠিক মঞ্চ আছে। আমি ঘটনাটো চোৱা-চিতা কৰিম, আৰু জড়িত সকলৰ বিৰুদ্ধে ব্যৱস্থা গ্ৰহণ কৰা হ’ব,”
ইপিনে, সুভাষ চৰকাৰক চত্তচায়া দিবলৈ গৈ বিজেপিৰ মুখপাত্ৰগৰাকীয়ে কয় যে জিলা গোটটোত সুভাষ চৰকাৰৰ কোনো ভূমিকা নাছিল আৰু তেওঁৰ বিৰুদ্ধে উত্থাপিত অভিযোগবোৰ “ভুল বুজাবুজি”ৰ বাবেহে হৈছিল বুলি দাবী সমিক ভট্টাচাৰ্য্যৰ।
ইপিনে, তৃণমূল কংগ্ৰেছে বিজেপিৰ ভিতৰচ’ৰাত ঘটি থকা অন্তৰ্দ্বন্দ্ব শীৰ্ষত উপনীত হোৱাৰ বাবে এনেধৰণৰ বহিঃপ্ৰকাশ দেখিবলৈ পোৱা গৈছে বুলি দাবী কৰে।
