এটা অতি নাৰকীয় তথা জঘন্য কাণ্ড পোহৰলৈ আহিছে। এগৰাকী অচিনাক্ত মহিলাৰ উলংগ মৃতদেহ উদ্ধাৰ হৈছে বিহালীত।
ঘটনাৰ বিৱৰণীৰ মতে বিহালী সমষ্টিৰ অন্তর্গত বুৰৈঘাটত বুধবাৰে ৰাতিপুৱা এগৰাকী মহিলাৰ মৃতদেহ সম্পূর্ণ উলংগ অৱস্থাত উদ্ধাৰ কৰা হৈছে।
ৰে’ল লাইনৰ পৰা প্রায় একমিটাৰ নিলগত সম্পূৰ্ণ উলংগ অৱস্থাত ওপৰমুৱাকৈ পৰি থকা মহিলাগৰাকীৰ মৃতদেহটো দুয়োখন ভৰিত আঘাতৰ চিহ্ন স্পষ্ট হৈ আছে। হত্যাকাৰীয়ে চোকা অস্ত্ৰেৰে আঘাত কৰি দুয়োটা ভৰিত কটা বুলি সন্দেহ কৰা হৈছে।
স্থানীয় ৰাইজৰ মতে মহিলাগৰাকীক কোনো লোকে ধৰ্ষণ কৰাৰ পিছত হত্যা কৰিছে। সমগ্ৰ ঘটনাটো আত্মহত্যাৰ ৰূপ দিবলৈ হত্যাকাৰীয়ে দুয়োখন ভৰিত চোকা অস্ত্ৰেৰে আঘাত কৰা বুলিও সন্দেহ কৰিছে স্থানীয় লোকে।
ইফালে মৃতদেহটো উদ্ধাৰ হোৱাৰ খবৰ পাই পুৱাতে বিহালী থানাৰ আৰক্ষী গৈ ঘটনাস্থলীত উপস্থিত হয়।
ৰে’ল লাইনৰ কাষতে মৃতদেহটো উদ্ধাৰ হোৱাৰ বাবে ৰে’লৱে আৰক্ষীয়ে মৃতদেহটোৰ মৰণোত্তৰ পৰীক্ষা কৰিব বুলি প্ৰকাশ কৰিছে বিহালী আৰক্ষীয়ে।
আনহাতে বাতৰি লিখা সময়লৈকে মৃতদেহটোৰ পৰিচয় উদ্ধাৰ হোৱা হোৱা নাই। ২৫/২৬ বছৰীয়া এই মহিলাগৰাকীৰ উলংগ মৃতদেহটো উদ্ধাৰকলৈ সমগ্ৰ অঞ্চলজুৰি ব্যাপক চাঞ্চল্যৰ সৃষ্টি হৈছে।
মৰণোত্তৰ পৰীক্ষাৰ প্ৰতিবেদন লাভ কৰাৰ পিছত আৰু আৰক্ষীৰ তদন্ততহে সমগ্ৰ ঘনাটোৰ প্রকৃত সত্য পোহৰলৈ আহিব বুলি প্ৰকাশ কৰিছে আৰক্ষীয়ে।
