অপৰিকল্পিত লকডাউনৰ বিপৰ্যয়ে এতিয়াও দেশবাসীক খেদি ফুৰিছে : ৰাহুল গান্ধী
কংগ্ৰেছ নেতা ৰাহুল গান্ধীয়ে শুকুৰবাৰে কয় যে চৰকাৰে অপৰিকল্পিতভাৱে ঘোষণা কৰা লকডাউনৰ ফলত দেশখনৰ লাখ লাখ পৰিয়ালে যন্ত্ৰণা ভোগ কৰিলে।
তেওঁ কয় যে এতিয়াও অপৰিকল্পিত লকডাউনৰ ভয়াৱহতাই দেশখনক খেদি ফুৰিছে।
উল্লেখযোগ্য যে, কেন্দ্ৰ চৰকাৰে যোৱা বৰ্ষৰ ২৪ মাৰ্চত দেশজুৰি লকডাউন ঘোষণা কৰিছিল।
গান্ধীয়ে কয় যে, এই লকডাউনৰ ফলস্বৰূপে দৰিদ্ৰ আৰু প্ৰব্ৰজিত শ্ৰমিকসকলে জ্বালা-যন্ত্ৰণা ভোগ কৰিব লগা হ’ল।
এটা টুইটযোগে তেওঁ লকডাউনে জুৰুলা কৰা লাখ লাখ পৰিয়াললৈ সমবেদনা জ্ঞাপন কৰে।
The unplanned lockdown disaster continues to haunt the country.
Condolences to the lakhs of families being punished with indescribable pain for GOI’s incompetence & myopia. pic.twitter.com/TBN7mS149W
— Rahul Gandhi (@RahulGandhi) March 19, 2021
তদুপৰি, গান্ধীয়ে ইউনিচেফৰ এখন প্ৰতিবেদনো টুইটটোত সংলগ্ন কৰিছে।
প্ৰতিবেদনখনৰ মতে, ক’ভিড-১৯ৰ বাবে ভাৰতে দক্ষিণ এছিয়াৰ জনবহুল দেশসমূহৰ ভিতৰত অত্যধিক শিশুৰ মৃত্যুৰ হাৰ আৰু প্ৰসূতি মৃত্যুৰ হাৰৰ বোজা বহন কৰিব।