উত্তৰ প্ৰদেশত সংঘটিত হৈছে এক আচৰিত ঘটনা৷ উত্তৰ প্ৰদেশৰ বাণ্ডা জিলাত ফ্ৰক ক্ৰয় কৰাৰ সময়ত ৫০ টকাক লৈ বিবাদৰ ফলত এজন লোকে দোকানী এজনৰ আঙুলি কামুৰি চিঙে।
কাপোৰ বিক্ৰেতা শিৱচন্দ্ৰ কাৰৱাৰিয়াৰ পৰা ফ্ৰক কিনিবলৈ অহা এজন ক্ৰেতাই ফ্ৰক ক্ৰয় কৰে।পিছদিনা মানুহজনে দোকানলৈ উভতি আহি কাৰৱাৰিয়াক ফ্ৰকটো সৰু আৰু ডাঙৰ আকাৰ লাগে বুলি জনায়। কিন্তু দোকানীজনে কয় যে ডাঙৰ ফ্ৰকৰ বাবে আৰু ৫০ টকা দিব লাগিব।ইয়াৰ কিছু সময়ৰ পাছতে দুয়োজনৰ মাজত ৫০ টকাক লৈ তৰ্ক-বিতৰ্কৰ সৃষ্টি হয়। কাজিয়াৰ সময়ত ফ্ৰক ক্ৰেতাজনে কাৰৱাৰিয়াৰ বাওঁহাতৰ এটা আঙুলিটো কামুৰি চিঙে৷
ইয়াৰ পাছতে অভিযুক্তই দোকানৰ পৰা দোকানীজনৰ কাপোৰ ৰাস্তালৈ দলিয়াই দিয়ে। সেই স্থানৰ পৰা পলায়ন কৰাৰ পূৰ্বে তেওঁ দোকানীজনক ভাবুকিও দিয়ে। পাছত ভুক্তভোগী কাৰৱাৰিয়াই ওচৰৰ আৰক্ষী থানাত উপস্থিত হৈ এজাহাৰ দাখিল কৰে৷কোটোৱালী নাৰায়ণীৰ ষ্টেচন হাউছ অফিচাৰ (এছ এইচ অ’) সুৰেশ ছাইনীয়ে জনোৱা মতে, দোকানীজনৰ অভিযোগৰ ভিত্তিত গোচৰ ৰুজু কৰা হৈছে।আৰক্ষী অধীক্ষকগৰাকীয়ে অভিযুক্তক বিচাৰি আৰক্ষীয়ে অভিযান চলাই থকাৰ লগতে তেওঁক গ্ৰেপ্তাৰ কৰাৰ পাছত আইনী ব্যৱস্থা গ্ৰহণ কৰা হ’ব বুলি জানিবলৈ দিয়ে।
