পশ্চিমীয়া মিত্ৰ দেশসমূহৰ পৰা লাভ কৰা ইউক্ৰেইনৰ এখন এফ-১৬ যুদ্ধ বিমান বিধ্বস্ত হৈছে। ইউক্ৰেইনৰ সেনাবাহিনীৰ এক সূত্ৰই বিবিচিক জনাইছে এই কথা।
যোৱা সোমবাৰে ৰাছিয়াৰ ধাৰাবাহিক ক্ষেপণাস্ত্ৰ আক্ৰমণৰ মাজতে বিধ্বস্তহৈছিল যুদ্ধ বিমানখন। ইউক্ৰেইনৰ সেনাই জনোৱা মতে, পাইলট অলেক্সি মেচ নিহত হৈছে।
চলিত মাহৰ আৰম্ভণিতে ইউক্ৰেইনত উপস্থিত হৈছিল এফ-১৬ যুদ্ধ বিমানৰ এক চালান। ইয়াৰে এখন বিমান প্ৰথমবাৰৰ বাবে বিধ্বস্ত হয়।
ইউক্ৰেইনৰ সেনাই দাবী কৰিছে যে শত্ৰুৰ ক্ষেপণাস্ত্ৰই যুদ্ধ বিমানখন ভূপতিত কৰাৰ আঁৰৰ মূল কাৰণ নাছিল। সোমবাৰে ৰাছিয়াৰ সৰ্ববৃহৎ বিমান আক্ৰমণত যুদ্ধ বিমানখনৰ পাইলটে তিনিটা ক্ষেপণাস্ত্ৰ আৰু এটা ড্ৰোন ধ্বংস কৰে।
লগতে পঢ়কঃ দেশত জনসংখ্যা বৃদ্ধিতকৈও শিক্ষাৰ্থীৰ চৰম সিদ্ধান্ত লোৱাৰ হাৰ বেছি; এন চি আৰ বিৰ প্ৰতিবেদনত চাঞ্চল্য!
ছ’চিয়েল মিডিয়াত ইউক্ৰেইনৰ বায়ুসেনাই এক বিবৃতিত কয় যে, “দুৰ্ভাগ্যজনকভাৱে নিজৰ জীৱনৰ মূল্য দি অলেক্সিয়ে ইউক্ৰেইনৰ জনসাধাৰণক ৰাছিয়াৰ ভয়াৱহ ক্ষেপণাস্ত্ৰ আক্ৰমণৰ পৰা ৰক্ষা কৰিলে।”
ইউক্ৰেইনৰ ৰাষ্ট্ৰপতি ভ্লডিমিৰ জেলেনস্কিয়ে যোৱা মঙলবাৰে আনুষ্ঠানিকভাৱে নিশ্চিত কৰে যে আমেৰিকাত নিৰ্মিত এফ-১৬ যুদ্ধ বিমানখন ৰাছিয়াৰ ড্ৰ’ন আৰু মিছাইল ধ্বংস কৰিবলৈ নিয়োগ কৰা হৈছিল।
ইউক্ৰেইনে এই সপ্তাহত নিজৰ পশ্চিমীয়া মিত্ৰ দেশসমূহৰ পৰা ৰাছিয়াৰ অধিক ভিতৰৰ লক্ষ্যত আঘাত কৰিবলৈ দীৰ্ঘ দূৰত্বৰ ক্ষেপণাস্ত্ৰ ব্যৱহাৰ কৰাৰ অনুমতি বিচাৰিছে।
ডাচ প্ৰতিৰক্ষা মুৰব্বী অট্টো আইচেলশ্বেইমে নিশ্চিত কৰিছে যে নেদাৰলেণ্ডে ইউক্ৰেইনক ২৪খন এফ-১৬ বিমান প্ৰদান কৰিব। ইয়াৰ বাহিৰেও আন বিভিন্ন অস্ত্ৰ-শস্ত্ৰৰ ব্যৱস্থা কৰা হ’ব পাৰে। মানৱীয় আইনৰ বাহিৰে এনে যুদ্ধ বিমান ব্যৱহাৰৰ ক্ষেত্ৰত কোনো বাধা নাথাকিব। অৰ্থাৎ ইউক্ৰেইনে ৰাছিয়াৰ ভূখণ্ডৰ ভিতৰত বৃহৎ আক্ৰমণ চলাব পাৰিব।
লগতে পঢ়কঃঅক্সিজেন, খাদ্যৰ নাটনি! মহাকাশ কেন্দ্ৰত আসন্ন বিপদত সুনীতা উইলিয়ামছ? কি ক’লে নাছাই?
চলিত মাহৰ আৰম্ভণিতে ৰাষ্ট্ৰপতি জেলেনস্কিয়ে ঘোষণা কৰিছিল যে কিয়েভে পশ্চিমীয়া মিত্ৰ দেশসমূহে প্ৰতিশ্ৰুতি দিয়া এফ-১৬ যুঁজাৰু বিমানৰ প্ৰথম চালান লাভ কৰিছে। তেওঁ লগতে কয় যে এই যুদ্ধ বিমানসমূহ ৰাছিয়াৰ ড্ৰ’ন আৰু শেহতীয়া আক্ৰমণত ব্যৱহৃত মিছাইল ধ্বংস কৰাৰ বাবে ব্যৱহাৰ কৰা হৈছে।
