আমেৰিকাৰ বৰ্তমানৰ ৰাষ্ট্ৰপতি ড’নাল্ড ট্ৰাম্প প্ৰশাসনে আমেৰিকাৰ ভিছাৰ ক্ষেত্ৰত নতুন নিৰ্দশনা জাৰি কৰিছে। নতুন নিৰ্দেশনা অনুসৰি হৃদৰোগ, শ্বাস-প্ৰশ্বাসজনিত ৰোগ, কেন্সাৰ, ডায়েবেটিছ, মেদবহুলতা, মেটাবলিক ৰোগ, স্নায়ুজনিত ৰোগ আৰু মানসিক স্বাস্থ্য আদি ৰোগক বিবেচনাত ৰখা হৈছে।
বিভিন্ন ৰোগত আক্ৰান্ত লোকসকল যেতিয়া আমেৰিকালৈ যায়, তেতিয়া চৰকাৰে তাত চিকিৎসাৰ বাবে খৰচ কৰে। এই খৰচ কমোৱাৰ বাবে ট্ৰাম্প প্ৰশাসনে ৰোগীৰ সন্দৰ্ভত এনে সিদ্ধান্ত গ্ৰহণ কৰিছে।
কোৱা হৈছে যে এই ৰোগত আক্ৰান্তসকলে আমেৰিকালৈ আহি বসবাস কৰি থাকিবলৈ আৰম্ভ কৰাৰ পিছত চিকিৎসাৰ খৰচ অব্যাহত ৰাখিব পাৰিবনে নাই পৰীক্ষা কৰা হ’ব। এই সন্দৰ্ভত বিশ্বৰ বিভিন্ন দূতাবাস আৰু কনছুলেটলৈ নিৰ্দেশনা প্ৰেৰণ কৰা হৈছে।
এই নিৰ্দেশনাসমূহত নিৰ্দেশ দিয়া হৈছে যে ভিছা আবেদনকাৰীৰ স্বাস্থ্যৰ বিষয়ে গুৰুত্বসহকাৰে বিবেচনা কৰিব লাগিব। বিশেষকৈ হৃদৰোগ, শ্বাস-প্ৰশ্বাসজনিত ৰোগ, কৰ্কট ৰোগ, ডায়েবেটিছ, বিপাকীয় ৰোগ, স্নায়ুজনিত ৰোগ আৰু মানসিক স্বাস্থ্যকে ধৰি কিছুমান বিশেষ ৰোগৰ প্ৰতি লক্ষ্য ৰাখিবলৈ কোৱা হৈছে।
কাৰণ এই ৰোগবোৰৰ চিকিৎসাৰ খৰচ অতি বেছি আৰু ইয়াৰ বাবে লাখ লাখ ডলাৰ ব্যয় হ’ব পাৰে।
আবেদনকাৰীয়ে চিকিৎসাৰ বাবে আমেৰিকালৈ যোৱাৰ সামৰ্থ্য আছে নে নাই সেই বিষয়েও বিবেচনা কৰিবলৈ দূতাবাসসমূহক নিৰ্দেশ দিয়া হৈছে।
ভিছাৰ আবেদনৰ পৰ্যালোচনা কৰাৰ সময়ত সংক্ৰামক ৰোগৰ পৰীক্ষা, টিকাকৰণৰ ইতিহাস, মানসিক স্বাস্থ্যৰ সমস্যা পৰীক্ষা কৰি চোৱা আদি প্ৰক্ৰিয়া আগৰে পৰাই আছে। অৱশ্যে নতুন নিৰ্দেশনাত আৰু কিছু অতিৰিক্ত স্বাস্থ্যজনিত সমস্যা সংযোজন কৰা হৈছে যিবোৰ এতিয়া বিবেচনা কৰিব লাগিব।
